Luka 23:4 - ÎVUKU RÎA ÛVORO MWARO

⁴ Pilato nîwacokire akîîra anene a athînjîri-Ngai wa vamwe na kîrîndî atîrî, “Nie ndirona ûndû wana ûmwe mûcûku nîngîthitanga mûndû ûyû naguo.”

Luka 23:4 ပူးပေါင်းရင်းမြစ်များ

Mathaayo 27:19

Rîrîa Pilato eekarîte nyombarî ya gûcirithanîrua, mûka nîwatûmanire akeerwa atîrî, “Ndûgeke mûndû ûcio wanarî ûndû, nîûndû ndarî ûndû mûcûku ekîte. Nîûndû ûtukû mbîthîrîtwe nthînîkîte mûno kîrotorî gîakwa nîûndû wake.”

Maariko 15:14

Nake Pilato nîwamaûririe atîrî, “Nîmwambithia nîkî? Ekîte wîvia ûrîkû?” Nwatî nîmaakîrîrîrie kugîrîria atîrî, “Mwambithie mûtharavarî îgûrû.”

Luka 23:22

Wa rîngî Pilato nîwamaarîrie rita rîa kathatû na akîmaûria atîrî, “Mûndû ûyû ekîte wîvia ûrîkû? Nie ndirona ekîte îvîtia wana rîmwe rîngîtûma atuîrwe kûûragwa. Kwoguo nîmûrivithia ivoko na njoke nîmûrekie.”

Johana 18:38

Nake Pilato nîwamûririe atîrî, “Ûvoro wa ma nî ûrîkû?” Nake Pilato aarîkia kuga ûguo nîwaumire nja wa rîngî na akîra Ayahudi atîrî, “Nie ndirona îvîtia rîrîa mûndû ûyû ekîte.

Ciîko 25:25

Nwatî monire atî ke tîmwîku wa naarî ûndû ûngîtûma atuîrwe kûûragwa. Na nîûndû ke mwene nîacokirie ciira riiko acirithue nî mûthamaki wa Roma, nînthondekire îtua avirwe kûrî ke.

Ciîko 3:13

Ngai wa Iburahimu, Isaka na Jakovu na nîke Ngai wa methe metû ma tene, nîke ûvecanîte riiri wake kûrî Jesû ndungata yake. Nwatî mue nîmwanenganîre Jesû kûrî athani na mûkîmûrega mbere ya Pilato, wana ethîrwa Pilato nîwatuîte amûrekererie.

Ahib 7:26

Jesû nî Mûthînjîri-Ngai mûnene ûrîa ûtûvingagîria mavataro metû. Ke nî mûtheru, ndarî ûcuke na ndevagia. Ke nîwamûrîtwe kuuma kûrî evia na Ngai nîamûvirîte îgûrû mûno.

1Pet 1:19

Mwakûûrirwe na nthakame ya goro mûno ya Kristû, ûrîa wekariî ta ng'ondu îtaarî na wonje kana îroro.

1Pet 2:22

Ke gûtirî wîvia eekire na ndaanaria maveeni.

1Pet 3:18

Kristû aakwire nîûndû wa mevia ma andû onthe rita rîmwe. Aarî mûthingu na nîwakwire îthenya rîa evia, nîguo atûvire kûrî Ngai. Nîwaûragirwe kîîmwîrî, nwatî kîîroho nîwagîre na mwoyo,