20 Pilato nîwarîrie kîrîndî wa rîngî nîûndû nîwendaga kûrekia Jesû.
Rîrîa Pilato eekarîte nyombarî ya gûcirithanîrua, mûka nîwatûmanire akeerwa atîrî, “Ndûgeke mûndû ûcio wanarî ûndû, nîûndû ndarî ûndû mûcûku ekîte. Nîûndû ûtukû mbîthîrîtwe nthînîkîte mûno kîrotorî gîakwa nîûndû wake.”
Na nîûndû Pilato nîwendaga gûkenia kîrîndî, nîwamarekerie Baraba. Nake Pilato nîwarivithirie Jesû ivoko na akîmûnenganîra akambwe.
(Baraba oovetwe nîûndû wa kunjuga andû îtûûrarî na nîûndû wa kûûragana.)
Nwatî kîrîndî nîkîaugîrîrie atîrî, “Mwambe mûtharavarî îgûrû! Mwambe mûtharavarî îgûrû!”
Rîrîa Pilato eegwire ûguo, nîwageririe gûcaria ûrîa angîovora Jesû. Nwatî Ayahudi nîmaaugîrîrie atîrî, “Wona wovora mûndû ûyû, we ndûrî mûrata wa mûthamaki wa Roma. Mûndû wonthe wîtucaga mûthamaki ethagîrwa arî nthû ya mûthamaki wa Roma!”