Luka 23:2 - ÎVUKU RÎA ÛVORO MWARO

² Nao nîmaambîrîrie kûmûthitanga makiugaga atîrî, “Tue tûranyitire mûndû ûyû akîvîtithia andû a vûrûri wetû. Arameeraga matikarutîre mûthamaki wa Roma mbeca cia gooti na akauga atî ke nîke Mesaya, mûthamaki.”

Luka 23:2 ပူးပေါင်းရင်းမြစ်များ

1Atha 18:17

Rîrîa Ahabu oonire Elija, nîwamwîrire atîrî, “Kwoguo wî gûkû, we mûndû ûrîa ûretaga thîna gûkû Isiraeli!”

Thaburi 35:11

Andû arîa acûku nîmarutaga ûira wa maveeni, mambûragia maûndû marîa nie ndaicî.

Thaburi 62:4

Mûvangîte kûnduta vandû va gîtîîo; mûkenaga rîrîa mûkwaria maveeni. Mwaragia ciugo mbaro cia kûrathimana, nwatî ngororî mwîthagîrwa mûkîrumana.

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Jeremia 38:4

Nao anene nîmeerire mûthamaki atîrî, “Mûndû ûyû nîwagîrîrwe nî kûragwa nî ûndû nîathirîtie athigari arîa matigîtwe gûkû îtûûrarî vinya vamwe na andû onthe nîûndû wa kwaria ciugo ta icio. Mûndû ûyû ndacaragia wagîrîru wa andû aya, nwatî amacaragîria maûndû macûku.”

Amosi 7:10

Amazia mûthînjîri-Ngai wa îtûûra rîa Betheli nîwavirîre mûthamaki Jeroboamu wa Isiraeli ndûmîrîri îno: “Amosi nîavangîte ûndû mûcûku gatagatî gaku na andû a Isiraeli. Maûndû marîa ethîrîtwe akîaria nwa macûkangie vûrûri ûyû.

Zakaria 11:8

Îvindarî rîa mweri ûmwe nînaûragire arîthi acio athatû acûku. Nînaaremirwe nîkwîguithania na ng'ondu icio na wanacio ikîmena.

Mathaayo 17:27

Nwatî tue tûtirenda kûrakaria andû aya. Na kwoguo thiî îriarî na wikie ndwano. Warîkia kûnyita nthamaki ya mbere, mîvingûre kanyua ka yo na nîûkwona mbeca. Mbeca îo nîmbîganu ya kûrîva gooti ya hekarû; mîoce na ûthiî ûrîve gooti yakwa na yaku.”

Mathaayo 22:21

Nao nîmaamûcokerie atîrî, “Nî cia mûthamaki wa Roma.” Nake Jesû nîwamerire atîrî, “Rutagîrani mûthamaki wa Roma kîrîa kîthagîrwa gî gîake na mûrutagîre Ngai kîrîa kîthagîrwa gî gîake.”

Mathaayo 27:11

Jesû nîwarûngamire mbere ya mûnene wa thirikari ya Roma. Mûnene ûcio nîwamûririe atîrî, “We nîwe mûthamaki wa Ayahudi?” Nake Jesû nîwamûcokerie atîrî, “We nîwe wauga guo.”

Maariko 12:17

Kwoguo Jesû nîwamerire atîrî, “Rutagîrani mûthamaki wa Roma kîrîa kîthagîrwa kîrî gîake, na mûrutagîre Ngai kîrîa kîthagîrwa gî gîake.” Nao andû nîmaamakire nîûndû wa ûrîa aamacokerie.

Maariko 15:2

Nake Pilato nîwamûûririe atîrî, “We nîwe mûthamaki wa Ayahudi?” Nake Jesû nîwamûcokerie atîrî, “Nîwe wauga guo!”

Luka 23:14

na akîmeera atîrî, “Mue mûndetere mûndû ûyû na mwambîra atî ke nîaravîtithagia andû. Nînarîkia kûmûcirithia mûrî vo na ndinona ekîte îvîtia wana rîmwe rîa marîa mûramûthitanga namo.

Luka 23:5

Nwatî nîmaakinyîrîrie ûvoro ûcio mûno makiugaga atîrî, “Mûndû ûyû akîthomithia nîaraunjuga andû a vûrûri wonthe wa Judea. Ke aambîrîrie vûrûrirî wa Galili na rîu arî gûkû gwetû.”

Johana 18:29

Kwoguo Pilato nîwaumire nja varîa maarî na akîmaûria atîrî, “Mûrathitanga mûndû ûyû na maûndû marîkû?”

Johana 18:30

Nao nîmaamûcokerie atîrî, “Kethîrwa mûndû ûyû ndarekîte naaî tûtingîakwindîra ke.”

Johana 19:12

Rîrîa Pilato eegwire ûguo, nîwageririe gûcaria ûrîa angîovora Jesû. Nwatî Ayahudi nîmaaugîrîrie atîrî, “Wona wovora mûndû ûyû, we ndûrî mûrata wa mûthamaki wa Roma. Mûndû wonthe wîtucaga mûthamaki ethagîrwa arî nthû ya mûthamaki wa Roma!”

Ciîko 24:13

O wana matingîvota gûkwonia atî maûndû mau rîu maranthitanga nîûndû wamo nî ma ma.

Ciîko 24:5

Tue nîtûrîkîtie kwona atî mûndû ûyû nî mûcûku. Ke nîwambagîrîria gacagaca gatagatîrî ka Ayahudi onthe arîa marî nthî yonthe, na nîke mûtongoria wa Kîamma Kîam Anazari.

Aroma 13:7

Marîvageni onthe kîrîa mwagîrîrwe nî kûmarîva. Rutagani gooti rîrîa rîonthe mwagîrîrwe nî kûruta. Îtigagîreni arîa magîrîrwe nî gwîtigîrwa, na mûtîîe arîa magîrîrwe nî gûtîîwa.