Luka 22:53 - ÎVUKU RÎA ÛVORO MWARO

⁵³ Mûthenya wa mûthenya nîrethagîrwa nîrî namue hekarûrî na mûtiranyitaga. Nwatî gaka nîko kavinda kenyu ga gwîka ûrîa mwîcirîtie gwîka mûtongoretue nî vinya wa nduma.”

Luka 22:53 ပူးပေါင်းရင်းမြစ်များ

Ayubu 20:5

atî ûcamba wa mûndû mwaganu nîwa kavunda kanini, na gîkeno Kîam mûndû ûtaicî Ngai kîthiraga narua.

Mathaayo 21:23

Jesû nîwacokire hekarûrî. Na vîndî îrîa aathomithagia, anene a athînjîri-Ngai na athuuri nîmaathiîre kûrî ke na makîmûûria atîrî, “Ûreka maûndû mama na wathani ûrîkû na nû ûkûvete wathani ûcio?”

Luka 22:52

Jesû nîwacokire akîîra anene a athînjîri-Ngai, arangîri a hekarû na atongoria a mavoero arîa maathiîte kûmûnyita atîrî, “Nîkwa nîrî mûtoi nîguo mûke kûnyita mûkuuîte mviû na njokoma?

Luka 22:54

Nao nîmaanyitire Jesû na makîmûvira mûciî kwa Mûthînjîri-Ngai ûrîa mûnene. Nake Petero nîwamaumire vuva arî varaca.

Johana 12:27

“Rîu nînîrathînîka mûno ngororî yakwa, nwatî nîmbuga atîa? Nîkwa nguuga, ‘Vava ndûgetîkîre nginyîrwe nî îvinda rîîrî?’ Nwatî kîu nîkîo gîtûmi kîrîa gîatûmire mbûke gûkû nthî nîguo nginyîre îvinda rîîrî.

Johana 13:30

Nake Judasi ecukia kînuku Kîam mûgate, nîwaumire nja warîo. Nakuo kwarî ûtukû.

Johana 14:30

Ndikwaria namue mûno rîngî îvinda îraca, nîûndû mûnene wa gûkû nthî nîaûkîte. Ke ndangîvota kûmbatha,

Johana 7:30

Andû amwe arîa maarî vo nîmaageririe kûmûnyita, nwatî gûtirî mûndû wana ûmwe wamûvûrûririe nîûndû îvinda rîake rîtiarî rîkinyu.

Johana 7:45

Rîrîa arangîri maacokire, anene a athînjîri-Ngai na Afarisai nîmaamaûririe atîrî, “Mûregire kûrete Jesû nîkî!”

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

Aefeso 6:12

Nîûndû tûtirarûa na andû nwatî tûrarûa na maavinya macûku ma kîîroho marîa marî îgûrû rîerarî, na tûkarûa na monene na maavinya na athani a nduma a gûkû nthî.

Akol 1:13

Ngai nîke watûtethûrire agîtûruta maavinyarî ma nduma na agîtûkinyia ûthamakirî wa Mûriû wake mwende atûmenyererete.