Luka 22:44 - ÎVUKU RÎA ÛVORO MWARO

⁴⁴ Jesû arî na ûrûrû mwîngî ngororî yake, nîwavoire na kîo kîîngî mûno. Nayo nthithina yake nîyagwîcaga nthî îkariî ta matata manene ma nthakame.]

Luka 22:44 ပူးပေါင်းရင်းမြစ်များ

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Maca 1:12

“Taroriani mue muonthe mûravîtûka. Kûrî ûrî na kîeva ta gîakwa, kîeva kîrîa Ngai-Mûnene andeterete rîrîa aarakarîte mûno.

Luka 22:45

Rîrîa Jesû aarîkirie kûvoya, nîwacokire varîa aatigîte arutwa ake na akîmethîrîria mamamîte na maûrîtwe nî vinya nîûndû wa kîeva.

Johana 12:27

“Rîu nînîrathînîka mûno ngororî yakwa, nwatî nîmbuga atîa? Nîkwa nguuga, ‘Vava ndûgetîkîre nginyîrwe nî îvinda rîîrî?’ Nwatî kîu nîkîo gîtûmi kîrîa gîatûmire mbûke gûkû nthî nîguo nginyîre îvinda rîîrî.

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

Ahib 5:7

Rîrîa Jesû aatûûraga gûkû nthî, nîwavoyaga na akathaitha Ngai na mûgambo mûnene akîrîraga. Aavoyaga Ngai nîûndû nîke ûngîavotire kûmûvonokia kuuma kûrî gîkuû. Ngai nîwamûthikîrîrie nîûndû wa kwînyivia na kwîrutîra gwake.