Luka 22:32 - ÎVUKU RÎA ÛVORO MWARO

³² Nwatî we Simoni, nie nîrîmûkûvoeru nîguo wîtîkio waku ndûkenyenyue. Na wanjokerera ûgeekagîra aa mûrwanyûkwe vinya.”

Luka 22:32 ပူးပေါင်းရင်းမြစ်များ

Mathaayo 18:3

na akîmeera atîrî, “Nie nîramwîra na ma atî, tiga nwa mûgarûrûkire na mûtuîke ta ciana, mûtigaatonya Ûthamakirî wa îgûrû.

Mathaayo 26:75

Nake Petero nîwaririkanire ûrîa Jesû aamwîrîte atî, “Mbere ya ngûkû îgambe nîûkwîthîrwa ûngaanîte maita mathatû.” Nake Petero nîwaumire nja na akîrîra arî na ûrûrû mwîngî mûno.

Maariko 14:72

Na kavinda wa kau ngûkû nîyagambire riita rîa kaîrî. Nake Petero nîwaririkanire ûrîa Jesû aamwîrîte atî, “Mbere ya ngûkû îgambe maita maîrî nîûkwîthîrwa ûngaanîte maita mathatû.” Nake Petero nîwatumûkire na kîrîro.

Maariko 16:7

Rîu thiîni kûrî arutwa ake mûtagûtigîrîra Petero na mûmeere atîrî, ‘Jesû nîakûthiî Galili mbere yenyu, na kûu nîkuo mûkaamwona wata ûrîa aamwîrire.’ ”

Luka 8:13

Nacio mbeû irîa ciagwîre rûciararî, nî andû arîa megucaga ndûmîrîri ya Ngai na makamîamûkîra makenete, nwatî makaremwa kûmîkindîria ngororî ciao, nîûndû metîkagia wa kavinda kanini na vîndî îrîa maumîrîrwa nî magerio makagwa.

Johana 14:19

Vuva wa kavinda kanini andû a nthî tî macoka kûmona rîngî, nwatî mue mûkaamona; na nîûndû nîndûûraga mwoyo, wa namue nîmûgaatûûra mwoyo.

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

Aroma 8:34

Nû ûngîmatuîra atî nî evia? Gûtirî wana ûmwe. Jesû Kristû nîke wakuire na agîcoka akîriûka na arî njararî ya ûrîo ya Ngai. Ke nîke ûtûthaithanagîra kûrî Ngai.

2Tim 2:18

Andû aya nîaumu ûvororî wa ma, nîûndû mavunjagia atî ûvoro wa kûriûka nîwavîtûkire, kwoguo magacûkia wîtîkio wa andû amwe.

Tito 1:1

Kuuma kûrî Paûlo ndungata ya Ngai na mûtûmwa wa Jesû Kristû. Nie naathuurirwe na ngîtûmwa ngatethererie andû arîa athuure nî Ngai ûvororî wa gwîtîkia na nîmamenyithie ûvoro wa ma, ûrîa ûthomithanîtue nî ndini yetû.

Ahib 12:15

Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

Ahib 7:25

Kwoguo, mavinda monthe nîavotaga kûvonokia arîa mathiîcaga kûrî Ngai na njîra yake. Nîûndû atûûraga vingo cionthe nîguo amathaithanagîrîre kûrî Ngai.

1Pet 1:1

Nie Petero mûtûmwa wa Jesû Kristû nîrandîkîra arîa mathuurîtwe nî Ngai, arîa matûûraga mathamîrîte na makanyagarûka mavûrûrirî ma Ponto, Galatia, Kapadokia, Asia na Bithînia.

1Pet 1:13

Kwoguo îcirieni waro îgûrû rîa ûrîa mûgeere gwîka. Îkaragani mwîîguîte na mwigîte mwîrîgîrîro wenyu wonthe kûrî kîveo Kîam Wega wa Ngai. Mûkaavewa kîveo kîu rîrîa Jesû Kristû akaaguûrua.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.