Luka 22:2 - ÎVUKU RÎA ÛVORO MWARO

² Nao anene a athînjîri-Ngai, arimû a Watho, nîmaatuîragia ûrîa mangîûragithia Jesû na nthitho, nîûndû nîmeetigagîra andû.

Luka 22:2 ပူးပေါင်းရင်းမြစ်များ

Mathaayo 12:14

Nao Afarisai arîa maarî vo nîmaaumire nja ya îvoero na makîthiî ndundu nîguo mavange ûrîa makûûragithia Jesû.

Mathaayo 21:38

Nwatî rîrîa arîmi acio moonire mûvîcî nîmeeranire atîrî, ‘Ûyû nîke ûgaatigîrwa mûgûnda ûyû wî îgai rîake, ûkani tûmûrage nîguo îgai rîu rîake rîtuîke rîetû.’

Mathaayo 26:2

“Mue nîmwîcî atî kîrugo Kîam pasaka nîgîgûkinya vuva wa mîthenya îrî, na Mûrû wa Mûndû nîakûnenganîrwa akambwe.”

Maariko 14:1

Mîthenya îîrî mbere ya kîrugo Kîam pasaka vamwe na kîrugo Kîam mîgate îrîa îtethagîrwa îkîrîtwe ndawa ya kwimbia, anene a athînjîri-Ngai, na arimû a Watho nîmaambîrîrie gûtuîria ûrîa mangînyita Jesû na nthitho nîguo mamûûrage.

Luka 20:19

Vîndî wa îo, arimû a Watho na anene a athînjîri-Ngai nîmaageririe kûnyita Jesû nîûndû nîmaaicî atî aavecanire ngerekano îo nîûndû wao. Nwatî nao nîmeetigîre andû.

Johana 11:57

Nao anene a athînjîri-Ngai na Afarisai nîmaathanîte atî mûndû wa wonthe ûkaamenya kûrîa Jesû arî, athiî akamamenyithie nîguo mamûnyite.

Ciîko 4:27

Nîûndû ûguo nîguo gwekîkire rîrîa Herode, Pontio Pilato, andû a Ndûrîrî na andû a Isiraeli, maatûnganire vamwe îtûûrarî rîîrî rîa Jerusalemu. Nîmaaregire Jesû ndungata yaku ntheru îrîa we watuire Mesaya.