Luka 20:9 - ÎVUKU RÎA ÛVORO MWARO

⁹ Jesû nîwacokire akîva andû ngerekano îno: “Vîndî îmwe kwarî na mûndû wavandire mîthavibu mûgûndarî wake agîûkomborithia kûrî arîmi, agîcoka akîthiî vûrûrirî wîngî na agîkara kuo îvinda îraca.

Luka 20:9 ပူးပေါင်းရင်းမြစ်များ

Jeremia 2:21

Nwatî nînakûvandire ta mûthavibu mûthuure mbegû mbaro kuuma mûthavibu ûrîa mwaro. Nî ndûî gîtûmîte ûgarûrûke ûtuîke ta kîndû gîcûku, kana ta mûthavibu wa kîthakarî?

Mathaayo 25:14

“Vîndî îo Ûthamaki wa îgûrû ûkeethîrwa wîkariî ta û: Vîndî îmwe nîkwarî na mûndû wathiîcaga rûgendo. Mbere ya athiî nîwetire ndungata ciake na agîciatha imûroragîrie indo ciake.

Luka 19:12

Kwoguo Jesû nîwaugire atîrî, “Mûndû ûmwe warî mûnene nîwathiîre vûrûrirî wa kûraca gûtuuwa mûthamaki, na arîkia gûtuuwa mûthamaki nîwavangire acoke mûciî.

Luka 20:10

Rîrîa îvinda rîa gûketha thavibu rîakinyire, mûndû ûcio nîwatûmire ndungata yake îthiî kûrî arîmi acio îkamûgîrîre maketha mamwe make. Nwatî arîmi acio nîmaarivire ndungata îo na makîmîcokithia njara ntheri.

Luka 20:8

Nake Jesû nîwamerire atîrî, “Wa nanie ndikûmwîra mbîkaga maûndû mama na wathani ûrîkû.”

Gûco 16:18

“Thuurani atucanîri ciira na anene kuuma matûûrarî menyu monthe marîa Ngai-Mûnene Ngai wenyu akûmûva kûringana na mîvîrîga yenyu. Andû acio magaatucagîra andû na waragania.