Luka 20:26 - ÎVUKU RÎA ÛVORO MWARO

²⁶ Nao matiavota kûmûgwatithia na mîario îrîa aarîtie arî mbere ya andû. Kwoguo nîmaamakire na magîkira kivi.

Luka 20:26 ပူးပေါင်းရင်းမြစ်များ

Danieli 6:4

Nao arûngamîrîri acio engî na anene a thirikari nîmambîrîrie gûcaria ûndû mangîcuka Danieli naguo wîgiî wîra wake wa kûrûngamîrîra vûrûri. Nwatî mationa ûndû mangîmûcuka naguo, kana îvîtia wana rîmwe nîûndû Danieli aarî mûndû mwîvokeku na gûtirî îvîtia kana ûndû mûcûku ekîte.

Mathaayo 22:12

‘Mûrata wakwa, ûtonyire gûkû atîa ûtekîrîte nguo ya ûviki?’ Nake mûndû ûcio nîwakirire kivi.

Mathaayo 22:22

Rîrîa meegwire ûguo nîmaamakire na makîmûtiga makîîthiîra.

Mathaayo 22:34

Rîrîa Afarisai megwire atî Jesû nîwakiririe Asadukai, nîmaagomanire vamwe.

Mathaayo 8:10

Na rîrîa Jesû eegwire ûguo, nîwamakire na akîra andû arîa maamûrûmîrîrîte atîrî, “Nîramwîra na ma atî, nie ndianona mûndû wîna wîtîkio ta ûyû gûkû Isiraeli.

Luka 11:54

marî na mworoto wa kûmûtega nîguo megue kana vaarî na ûndû mûcûku angîaugire.

Luka 13:17

Rîrîa Jesû aaugire ûguo, nthû cionthe ciake nîciaconokire. Nao andû acio engî onthe nîmaakenire nîûndû wa ciîko cia magegania irîa ke eekire.

Luka 20:20

Kwoguo nîmaacaririe kamweke na makîvaka andû amwe nîguo metue athingu na makîmatûma magatuîrie ûrîa Jesû aaugaga na njîra ya ciûria nîguo mavote kûmûnenganîra kûrî mûnene ûrîa wamaathaga.

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.

Tito 1:10

Nama kûrî andû eengî, na makîria arîa maumîte ndinirî ya Ayahudi, arîa makararagia na makaveenia andû na maûndû mao matarî vata.