Luka 20:11 - ÎVUKU RÎA ÛVORO MWARO

¹¹ Kwoguo mwene mûgûnda ûcio nîwacokire agîtûma ndungata îngî; wa nayo nîmaamîrivire, makîmîka maûndû ma ûûra nthoni na magîcoka makîmîcokithia njara ntheri.

Luka 20:11 ပူးပေါင်းရင်းမြစ်များ

Hosea 10:1

Andû a Isiraeli mekariî ta mûthavibu ûrîa mwaro mûno, mûthavibu ûrîa ûciaraga matunda mûno. Wa ûrîa matunda mathiîcaga na mbere kwongereka; nwaguo mathiîre na mbere na gûtuma metha cia kîgongoona. Wa ûrîa maciaro ma vûrûri mongerekire, nwa guo maathiîre na mbere kûvanda itugî ciao cia kûvoyagîra.

Maariko 12:4

Nake mwene mûgûnda nîwacokire agîtûma ngombo îngî. Nao arîmi acio nîmaamîtivangirie kîongo, na makîmîka maûndû ma ûûra nthoni.

Luka 20:10

Rîrîa îvinda rîa gûketha thavibu rîakinyire, mûndû ûcio nîwatûmire ndungata yake îthiî kûrî arîmi acio îkamûgîrîre maketha mamwe make. Nwatî arîmi acio nîmaarivire ndungata îo na makîmîcokithia njara ntheri.

Luka 20:12

Nîwacokire agîtûma ndungata îngî ya kathatû; na wa nayo makîmîtivangia na makîmîrutûrûra mûgûndarî ûcio.

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

1Ath 2:2

Mbere ya gûka nîmwîcî ûrîa twanyaririrwe na tûkîrumwa tûrî Filipi. Nwatî wana gûtuîka nîtwakararirue mûno, Ngai wetû nîwatûvere ûmîrîru wa kûmûvunjîria ûvoro wake mwaro.