Luka 2:6 - ÎVUKU RÎA ÛVORO MWARO

⁶ Na vîndî îrîa maarî kûu Bethilehemu kavinda ka Mariamu ga kûgîa mwana, nîgaakinyire.

Luka 2:6 ပူးပေါင်းရင်းမြစ်များ

Thaburi 33:11

Nwatî mîvango ya Ngai-Mûnene îtûûraga tene na tene, wendi wake ûtûûraga kûrî njiarwa cionthe.

Nthi 19:21

Mûndû ethagîrwa arî na mîvango mîîngî ngororî yake, nwatî wendi wa Ngai-Mûnene nîguo wîkîkaga.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Luka 1:57

Kavinda ka Elizabethi ga kûgîa mwana nî gaakinyire na agîciara kavîcî.

Luka 2:5

Kwoguo nîwathiîre kuo kwîyandîkithia marî na Mariamu, mwîrîtu ûrîa eerîrîte atî nîakûmûvikia. Vîndî îo Mariamu aarî îvu.

Luka 2:7

Nake nîwarikithathire mwana wa kavîcî akîmûrigica na cuka na akîmûmamia mûvaratîrî nîûndû gûtiarî na vandû mangîavurûkire kûu mûkawarî.