Luka 2:51 - ÎVUKU RÎA ÛVORO MWARO

⁵¹ Jesû nîwacokire Nazarethi arî vamwe na aciari ake, na nîwekaranagia nao akîmaathîkagîra. Nake ng'ina nîwaigaga maûndû mau monthe ngororî yake.

Luka 2:51 ပူးပေါင်းရင်းမြစ်များ

Kîam 37:11

Aa mûrwang'ina na Josefu nîmaamwîguîrîre wîru, nwatî îthe nîwaigire maûndû mau ngororî yake.

Thaburi 119:11

Nîmbigîte kiugo gîaku ngororî yakwa, nîguo ndigakwîvîrie.

Danieli 7:28

“Ûcio nîguo mûthiia wa maûndû marîa nonire. Nie Danieli, nînathînîkire mûno ngororî na ngîtukia kîthithi, nwatî nînaigire maûndû mau monthe ngororî yakwa.”

Mathaayo 12:46

Kavinda wa kau Jesû wa akîaragîria andû, ng'ina na arîa maaciaranîrîtue nake nî maakinyire. Nao nîmaarûngamire vau nja makîenda kwaria nake. [

Mathaayo 3:15

Nwatî Jesû nîwamûcokerie atîrî, “Tiga gûtuîke guo rîu, nîûndû nîkwagîrîrîte tue tûvingie wendi wa Ngai.” Kwoguo Johana nîwetîkîre kûvatithia Jesû.

Maariko 1:9

Mîthenya mînini yavîtûka, Jesû nîwaumire îtûûrarî rîa Nazarethi vûrûrirî wa Galili na akîthiî kûvatithua nî Johana rûnjîrî rwa Jorodani.

Maariko 6:3

Na kinthî ûyû tî mûvundi ûrîa wa mbaû, mûvîcî wa Mariamu, na nwake mûrwang'ina na Jakuvu, Josefu, Judasi na Simoni? Na kinthî wana aa mwarwang'ina matitûûraga gûkû vamwe natue.” Na kwoguo nîmaamûregire.

Luka 18:37

Nao andû nîmaamûcokerie atîrî, “Nî Jesû wa Nazarethi ûvîtûkîte.”

Luka 2:19

Nake Mariamu nîwekarire akîririkanaga maûndû mama monthe na ageciragia mûno ûvoro wamo.

Luka 2:39

Rîrîa Josefu na Mariamu maarîkirie gwîka maûndû monthe marîa maathîtwe nî Watho wa Mwathani, nîmaacokire îtûûrarî rîao rîa Nazarethi, vûrûrirî wa Galili.

Luka 4:16

Jesû nîwathiîre îtûûrarî rîa Nazarethi kûrîa aarereretwe. Naguo mûthenya wa thavatû wakinya, wa ta mûtugo, Jesû nîwathiîre na agîtonya îvoerorî. Na rîrîa aarûngamire nîguo athome,

Luka 4:23

Nake Jesû nîwerire andû acio atîrî, “Nie ndirî na nganja atî nîmûkûngwetera nthimo îrîa yugaga atîrî, ‘Ndagîtarî, amba wîthondeke we mwene.’ Wana rîngî nîmbîcî nîmûkûmbîra mbîke gûkû îtûûrarî rîetû maûndû marîa mwegwire atî nînekire îtûûrarî rîa Kaperinaumu.

Aefeso 5:21

Athîkanagîrani mûndû na ûrîa wîngî nîûndû wa ûrîa mûtîîte Kristû.

1Pet 2:21

Ûndû ûcio nîguo mwetîrwe. Kristû aathînirue nîûndû wenyu na akîmûtigîra kîonereria, nîguo wa namue mûrûmîrîre mîthiîre yake.