Luka 2:47 - ÎVUKU RÎA ÛVORO MWARO

⁴⁷ Nao andû onthe arîa meegwire ciugo ciake nîmaamakire mûno nîûndû wa ûrîa aacokagia ciûria arî na ûûgî mwîngî.

Luka 2:47 ပူးပေါင်းရင်းမြစ်များ

Thaburi 119:99

Nîrî na ûtaûku mwîngî gûkîra arimû akwa onthe, nîûndû nînîciragia na vinya ûvoro wa mataaro maku.

Mathaayo 13:54

na agîcoka îtûûrarî rîa kwao. Nake nîwathomithanirie arî îvoerorî. Nao andû arîa maamwîgwire nîmaamakire mûno na makîûria atîrî, “Mûndû ûyû arutîte ûûgî ta ûyû kû, wana vinya wa kûringa ciama?

Mathaayo 22:33

Na rîrîa kîrîndî kîegwire ûguo, nîkîamakire nîûndû wa mûthomithanîrie wake.

Mathaayo 7:28

Rîrîa Jesû aarîkirie kuga maûndû mau, andû eengî nîmaamakirue nî mûthomithanîrie wake.

Maariko 1:22

Nao andû arîa maamûthikîrîrîtie nîmaamakire nîûndû athomithanagia ta mûndû warî na wathani, nwatî tî ta arimû a Watho.

Maariko 11:18

Rîrîa anene a athînjîri-Ngai na arimû a watho meeguire ûvoro ûcio, nîmaambîrîrie gûcaria ûrîa mangîmûûraga. Nao nîmaamwîtigagîra nîûndû kîrîndî nîkîamakagua mûno nî mûthomithanîrie wake.

Maariko 6:2

Mûthenya wa thavatû wakinya, nîwambîrîrie kûthomithania arî îvoerorî. Nao andû eengî arîa maamwîgwire nîmaamakire mûno, na makîûrania atîrî “Mûndû ûyû aarutire maûndû mau monthe kû? Kaî mûndû ûyû avetwe ûûgî wa mûthemba ûrîkû? Avotaga kûringa ciama atîa?

Luka 2:18

Andû onthe arîa meegwire maûndû marîa arîthi acio maaugaga wîgiî gakenge kau, nîmaamakire mûno.

Luka 2:46

Vuva wa mîthenya îthatû, nîmaamwîthîrîrie hekarûrî ekarîte nthî vamwe na arimû a Ayahudi. Nake nîwathikîrîrîtie arimû acio na akamaûragia ciûria.

Luka 4:22

Andû onthe nîmaakenirue mûno nîke na makîmaka, nîûndû wa mîario mîaro îrîa aaragia. Nao nîmaambîrîrie kûrania atîrî, “Na kinthî ûyû tî mûvîcî wa Josefu?”

Luka 4:32

Nao andû onthe nîmaamakirue nî ndûmîrîri yake, nîûndû aaragia arî na wathani.

Johana 7:15

Nao atongoria a Ayahudi nîmaamakire mûno na makîûria atîrî, “Mûndû ûyû aramenya maûndû mama monthe atîa na ke ndaanathomithua?”

Johana 7:46

Nao arangîri nîmaamacokirie atîrî, “Gûtirî mûndû wanaaria maûndû marîa mûndû ûyû araria!”