Luka 2:39 - ÎVUKU RÎA ÛVORO MWARO

³⁹ Rîrîa Josefu na Mariamu maarîkirie gwîka maûndû monthe marîa maathîtwe nî Watho wa Mwathani, nîmaacokire îtûûrarî rîao rîa Nazarethi, vûrûrirî wa Galili.

Luka 2:39 ပူးပေါင်းရင်းမြစ်များ

Mathaayo 3:15

Nwatî Jesû nîwamûcokerie atîrî, “Tiga gûtuîke guo rîu, nîûndû nîkwagîrîrîte tue tûvingie wendi wa Ngai.” Kwoguo Johana nîwetîkîre kûvatithia Jesû.

Luka 1:26

Mwerirî wa gatandatû wa Elizabethi kwîthîrwa arî îvu, Ngai nîwatûmire mûraika Gaburieli îtûûrarî rîa Nazarethi kûu Galili.

Luka 1:6

Na oîrî nîmaatûûrîte marî athingu methorî ma Ngai. Nao nîmaathîkagîra mawatho wa vamwe na maathani ma Mwathani matarî na ûcuke.

Luka 2:4

Josefu nîwaumire îtûûrarî rîa Nazarethi vûrûrirî wa Galili na akîthiî îtûûrarî rîa Bethilehemu vûrûrirî wa Judea, kûrîa mûthamaki Daudi aaciarîrwe. Josefu aathire kûu nîûndû aarî wa nyomba na wa mbarî ya Daudi.

Luka 2:51

Jesû nîwacokire Nazarethi arî vamwe na aciari ake, na nîwekaranagia nao akîmaathîkagîra. Nake ng'ina nîwaigaga maûndû mau monthe ngororî yake.

Luka 4:16

Jesû nîwathiîre îtûûrarî rîa Nazarethi kûrîa aarereretwe. Naguo mûthenya wa thavatû wakinya, wa ta mûtugo, Jesû nîwathiîre na agîtonya îvoerorî. Na rîrîa aarûngamire nîguo athome,

Luka 4:23

Nake Jesû nîwerire andû acio atîrî, “Nie ndirî na nganja atî nîmûkûngwetera nthimo îrîa yugaga atîrî, ‘Ndagîtarî, amba wîthondeke we mwene.’ Wana rîngî nîmbîcî nîmûkûmbîra mbîke gûkû îtûûrarî rîetû maûndû marîa mwegwire atî nînekire îtûûrarî rîa Kaperinaumu.

Gûco 12:32

“Menyagîrîrani mwîkage maûndû monthe marîa ngûmwatha; mûtikongerere kana mûrute wanarî ûndû.