Luka 2:15 - ÎVUKU RÎA ÛVORO MWARO

¹⁵ Rîrîa araika acio maatigire arîthi na magîcoka îgûrû, arîthi nîmeeranire atîrî, “Tigani tûthiî Bethilehemu nîguo tûkeyonere maûndû marîa mekîka mau Mwathani atûmenyithia.”

Luka 2:15 ပူးပေါင်းရင်းမြစ်များ

2Atha 2:1

Vîndî îrîa kavinda gaakinyire ka Ngai-Mûnene kûvira Elija îgûrû na rûkûngi rûnene rwavurutanaga na vinya, Elija na Elisha maarî rûgendorî maumîte Giligali.

2Atha 2:11

Mathiîte wa ûguo wa makîaragia, wa rîmwe gîkaari Kîamrîrîmbûkaga ta mwaki kîgucîtue nî mbarathi ciarîrîmbûkaga ta mwaki nîgîaûkire karîgatî kao oîrî, na Elija nîwavirirwe îgûrû nî rûkûngi rûnene rwavurutanaga na vinya.

Thaburi 111:2

Kaî maûndû marîa Ngai-Mûnene ekaga nî manene-î! Andû onthe arîa makenagua nîmo nîmendaga kûmamenya.

Ntha 3:3

Musa nîwaugire atîrî, “Ûyû nî ûndû mûgeni. Kîthaka kîrarega kûvîa nîkî? Nîngûthiî vakuvî ngone.”

Mathaayo 12:42

Mûthenya wa îtuîro, mûndûmûka mûthamaki wa Sheba nîakaarûngama na onanie ûrîa mue andû a rûciaro rûrû mûrî acûku. Mûndûmûka ûcio nîwathiîre rûgendo rûraca kûthikîrîria ûûgî wa mûthamaki Solomoni. Nie nîramwîra atî ava varî na mûndû mûnene gûkîra Solomoni.

Luka 2:14

“Ngai ûrîa ûrî Îgûrû Mûno arokumua, na thayû ûrogîa gûkû nthî, kûrî andû arîa mamûkenagia!”

Luka 2:16

Nao arîthi nîmaathiîre maviûvîte na makîthîrîria Mariamu, Josefu na makîona gakenge kamamîte mûvaratîrî.

Luka 24:51

Na vîndî îrîa aamarathimaga, nîwamatigire na akîambatua îgûrû.

1Pet 3:22

ûrîa waunûkirie îgûrû na rîu ekaraga mwena wa ûrîo wa Ngai. Kûu Jesû nîwathaga araika onthe, wa vamwe na maroho marîa mathanaga na marî vinya.