Luka 19:44 - ÎVUKU RÎA ÛVORO MWARO

⁴⁴ Nîikaamûcûkangia wa vamwe na ciana cienyu na gûtirî îthiga wana rîmwe magaatiga rîrî îgûrû rîa rîngî, nîûndû mûtiamenya kavinda karîa Nga aaûkîte kûmûvonokia!”

Luka 19:44 ပူးပေါင်းရင်းမြစ်များ

Thaburi 137:9

Gûkena nî mûndû ûrîa ûgooca tûkenge twaku, na atûtemanie mathigarî.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Isaia 29:3

Nie nîngaamûcîgîrîria, nîmûcîgîrîrie na nyomba ndaca na nîmûtharîkîre.

Jeremia 11:23

Nîmvangîte îvinda rîa kûrete mûthiro kûrî andû a Anathothi. Îvinda rîu rîakinya, gûtirî mûndû ûgatigara arî mwoyo.”

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Danieli 9:24

“ ‘Mîaka mûgwanja maita mîrongo mûgwanja, nî îvinda rîrîa Ngai amûrîte rîa kûthiria waganu, mevia; kwovera andû arîa mekîte maûndû macûku, kûrete thayû wa tene na tene, gwîtîkîra cioneki na ûrathi, na kûvaka vandû varîa vatheru Mûno maguta.

Danieli 9:26

Îvinda rîu rîathira mûtongoria ûrîa mwamûre nî Ngai nîakaaûragwa na njîra îtarî ya kîvooto. Îtûûra rîu na hekarû nîigaacûkangua nî athigari a mbaara a mûtongoria ûrî vinya mûno. Mûthiia wa îtûûra rîu ûgaakinya ta mwîcûro wa manjî. Ngai nîarutîte watho akauga, îtûûra rîu rîthirue viû.

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Mathaayo 24:2

Nake Jesû nîwamacokerie atîrî, “Nîmûrona mîako îno yonthe? Nîramwîra na ma atî gûtirî îthiga wana rîmwe rîrî ava rîgaatigwa rî îgûrû rîa rîrîa rîngî; mathiga monthe nîmakoomomorwa.”

Maariko 13:2

Nake Jesû nîwamwîrire atîrî, “Nîûrona mîako îno mînene û? Gûtirî îthiga wana rîmwe rî ava rîgaatigwa rî îgûrû rîa rîrîa rîngî; monthe nîmakaagwîthua nthî.”

Luka 1:68

“Mwathani Ngai wa Isiraeli arokumua! Nîûndû nîacerere andû ake, na akamakûûra kuuma ûkomborî.

Luka 1:78

Ngai wetû arî ntha na nî mûkirîrîria. Nîagaatûma tûthererwe nî ûtheri wa ûvonokio.

Luka 19:42

akiugaga atîrî, “Naarî kethîrwa mwamenya maûndû marîa marendekana ûmûnthî nîûndû wa thayû! Nwatî rîu mûtiravota kûmona!

Luka 21:6

“Maûndû mama monthe mûrona vîndî nîgakinya îrîa ava vakethîrwa vatarî wana îthiga rîmwe rîrî îgûrû rîa rîrîa rîngî; mathiga monthe nîmakoomomorwa.”

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.