Luka 19:27 - ÎVUKU RÎA ÛVORO MWARO

²⁷ Nacio nthû ciakwa irîa iteendaga nduîke mûthamaki wacio, ireteni ava mbere yakwa na mûciûrage ngîonaga!’ ”

Luka 19:27 ပူးပေါင်းရင်းမြစ်များ

2Sam 23:7

Mûndû akîmînyita nwanginya avûthîre kîndû kîthondeketwe na cuuma kana mûtî wa îtumû, nacio nwanginya ivîvue viû na mwaki.

Thaburi 109:20

Ngai-Mûnene arorîva nthû ciakwa na maûndû mau, andû acio maragia maûndû macûku na njîra îtagîrîrîte!

Thaburi 2:9

Nîûgaacûkangia mavûrûri marîa mengî mathire viû, ûkaamaûraga mavaragane ta nyûngû ya yûmba.’ ”

Isaia 66:14

Rîrîa mûkoona maûndû mau magîkîka nîmûgaakena, mûgeekara mûrî na ûgima wa mîîrî na mûrî na vinya. Vîndî îo nîrîo gûkaamenyekana atî nie Ngai-Mûnene, nînie ngitagîra ndungata ciakwa. Na rîrîa narakara nîmverithagia nthû ciakwa.”

Isaia 66:6

Tathikîrîriani, mwîgue înegene rîu rîrî îtûûrarî, mûgambo ûcio ûreguîka hekarûrî! Ûcio nî mûgambo wa Ngai-Mûnene akîverithia nthû ciake!

Nahumu 1:2

Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

Nahumu 1:8

Rîrîa nthû ciathithûkîra vûrûri ta mwîcûro wa manjî, ke nîaicûkangagia, nîarûmagîrîria nthû ciake nginya ndumarî.

Mathaayo 22:7

Nake mûthamaki nîwarakarire. Kwoguo nîwatûmire athigari ake makaûrage aûragani acio, na mavîvie îtûûra rîao.

Luka 19:14

Nwatî andû a vûrûri wake nîmaamûmenete mûno, kwoguo nîmaatûmire anjaama mamuume vuva, na maakinya mauge atîrî, ‘Tue tûtikwenda mûndû ûyû atuîke mûthamaki wetû.’

Luka 20:16

Agaaûka aûrage arîmi acio na anenganîre mûgûnda ûcio kûrî arîmi engî.” Na rîrîa andû meegwire ûguo nîmeeranire atîrî, “Ngai! Ûndû ûyû ûrorega gûtuîkîka!”

Luka 21:22

Nîûndû mîthenya îo nîo îkethîrwa îrî ya kûverithania nîguo maûndû monthe marîa Mandîko Matheru maugîte mavinge.

Luka 21:24

Andû amwe nîmakaaûragwa na mviû na engî nîmagaatavwa na mavirwe mavûrûrirî monthe. Nao andû a ndûrîrî nîmakaaverithia andû a Jerusalemu nginya rîrîa kavinda ka andû a ndûrîrî ga kwathana gakaathira.

Ahib 10:13

Etererete nginya rîrîa Ngai agaatua nthû ciake gaturwa ka magûrû make.

1Sam 11:12

Nao andû a Isiraeli nîmaaûririe Samueli atîrî, “Andû arîa maaugire atî Saûlo ndagîrîrwe nî gûtuîka mûthamaki wetû marî kû? Tûretereni o tûmaûrage!”