Luka 19:26 - ÎVUKU RÎA ÛVORO MWARO

²⁶ Nake mûnene ûcio nîwamacokerie atîrî, ‘Nîramwîra na ma atî mûndû wa wonthe ûrî na kîndû nîakoongererwa ciîngî nyîngî, nwatî mûndû ûrîa ûtarî na kîndû, wana kîrîa kînini arî nakîo nîagaacunwa.

Luka 19:26 ပူးပေါင်းရင်းမြစ်များ

2Sam 7:15

Nwatî ndikaamûthengutîria wendo wakwa ûtathiraga ûrîa nîmwendete naguo ta ûrîa naathengutîrie Saûlo nîguo we ûtuîke mûthamaki.

Thaburi 109:8

Ûtûûro wake nîûnyivanyivue; na mûndû wîngî oce wîra wake.

Mathaayo 13:12

Nîûndû mûndû ûrîa wîna kîndû nîakoongererwa na ciîngîve mûno makîria; nwatî mûndû ûrîa ûtarî na kîndû, nîagaacunwa wana kîndû kîrîa kînini arî nakîo.

Mathaayo 21:43

Kwoguo nîramwîra atî Ûthamaki wa Ngai nîûkaarutwa kûrî mue na ûvewe andû engî arîa mekaga maûndû marîa Ngai endaga ûthamakirî wake. [

Maariko 4:25

Nake mûndû ûrîa wîna kîndû nîakoongererwa, nwatî ûrîa ûtarî nîagaacunwa wana kîrîa kînini arî nakîo.”

Luka 16:3

Nayo ndungata îo nîyeîrire na ngoro atîrî, ‘Nie rîu nîmbîka atîa, nîûndû gîtonga gîakwa nîgîkûmvuta? Nie ndirî na vinya mbîganu ya kûvota gûcimba na nwa njonoke mûno ngîvoya ûtethio.

Luka 19:25

Nwatî andû acio nîmeerire mûnene ûcio atîrî, ‘Mûnene! Ke arî na mbeca îkûmi!’

Luka 8:18

“Kwoguo menyererani maûndû marîa mûregua, nîûndû mûndû ûrîa ûrî na indo nyîngî nîke ûkoongererwa. Nwatî mûndû ûrîa ûtarî, nîagaacunwa wa na kîrîa kînini arecirîria atî arî nakîo.”

Ciîko 1:20

“Nîûndû îvukuurî rîa Thaburi rîandîkîtwe atîrî; ‘Nyomba yake îrotigwa îrî ntheri, na gûtirî mûndû ûgûtûûra kuo.’ Nîkwandîkîtwe rîngî atîrî, ‘Mûndû wîngî nî oce wîra wake.’

2Joh 1:8

Îîmenyerereni nîguo mûtigate kîrîa kîonthe mûrutîrîte wîra, nwatî mûkaagwata mûcara wenyu wonthe.

Kûguû 2:3

Mue nîmûmîrîrîtie mûkirîrîrîtie, na mûkanyamarua nîûndû wakwa, na mûtirî mwandiganîria.

Kûguû 3:11

Nie nîngûka vuva wa Kavinda kanini. Îkaragani mûrî evokeku nîguo mûndû wana ûrîkû ndakamûcune nthûmbî yenyu ya ûvootani.

1Sam 15:28

Nake Samueli akîîra Saûlo atîrî, “Ngai-Mûnene nîatembûra ûthamaki wa Isiraeli kuuma kûrî we ûmûnthî na nîa akaûvecana kûrî mûndû wîngî mwaro gûgûkîra.

1Sam 2:30

Kwoguo nie Ngai-Mûnene, Ngai wa Isiraeli nînerîrîte andû a mûciî waku wana andû a mûvîrîga waku, atî makandungatagîra marî athînjîri-Ngai vîndî cionthe. Nwatî rîu nîrauga atî ûndû ûcio ndingîtîkîria ûthiî na mbere rîngî. Vandû va ûguo, nie ngatîîaga andû arîa mandîaga, nao arîa manyararaga ngaamatucaga ta andû matarî na vata.