Luka 18:4 - ÎVUKU RÎA ÛVORO MWARO

⁴ Nake mûcirithania ûcio nîwekarire mîthenya mîîngî akîregaga gûtethereria mûndûmûka ûcio, nwatî mûthiiarî akîîra na ngoro yake atîrî, ‘Wana angîthîrwa ndiîtigagîra Ngai kana ngava andû gîtîîo,

Luka 18:4 ပူးပေါင်းရင်းမြစ်များ

Luka 12:17

Nake nîwambîrîrie kwîyûria na ngoro atîrî, ‘Angwa rîu nie nîmbîka atîa, nîûndû ndirî na îkûmbî nîngîkethera irio ino cionthe?’

Luka 16:3

Nayo ndungata îo nîyeîrire na ngoro atîrî, ‘Nie rîu nîmbîka atîa, nîûndû gîtonga gîakwa nîgîkûmvuta? Nie ndirî na vinya mbîganu ya kûvota gûcimba na nwa njonoke mûno ngîvoya ûtethio.

Luka 18:2

“Îtûûrarî rîmwe kwarî na mûcirithania ûtetigagîra Ngai kana ava andû gîtîîo.

Luka 18:3

Na wa kûu îtûûrarî rîu, kwarî na mûndûmûka wa ndigwa watindaga akîthiî kûrî mûcirithania ûcio na akamûthaithaga athikîrîrie ivooto ciake akîmwîraga atîrî, ‘Nie nîrenda ûndethererie ciirarî îno nthitangîtwe nayo nî nthû yakwa!’

Luka 20:13

Nake mwene mûgûnda nîweyûririe atîrî, ‘Rîu nîmbîka atîa? Nîmatûmîra mûriû wakwa ûrîa mendete na nîrî na ma nîmakûmûva gîtîîo!’

Ahib 12:9

Methe metû ma gûkû nthî nîmaatûverithirie na tûkîmava gîtîîo. Kwoguo nîtwagîrîrwe kwathîkîra Vava wa kîîroho mûno makîria nîguo tûtûûre!

Atir 14:17

Mûka wa Samusoni nîwarîrire mîthenya îo mûgwanja ya kîrugo kîu nîguo Samusoni amûtaûrîre ndaî îo. Nwatî mûthenya wa mûgwanja Samusoni nîwerire mûka ûrîa ndaî îo yaugaga nîûndû nîwamûthînagia mûno. Nake mûka wa Samusoni nîwacokire akîra Afilisiti acio.