Luka 18:30 - ÎVUKU RÎA ÛVORO MWARO

³⁰ nîakaagîa na makîria ya kîrîa atigîte kavindarî gaka tûrî na acoke agîe na mwoyo wa tene na tene.”

Luka 18:30 ပူးပေါင်းရင်းမြစ်များ

Ayubu 42:10

Ayubu arîkia kûvoera arata ake, Ngai-Mûnene nîwamûcokerie indo ciake cionthe maita maîrî ma ûrîa ciegana mbere.

Thaburi 119:103

Kaî nî mbîgucaga ciugo ciaku irî na mûrîo-î, irî mûrîo gûkîra ûûkî.

Thaburi 119:111

Matuîro maku ma ciira nîmo îgai rîakwa rîa tene na tene; mau nîmo matûmaga ngoro yakwa îkene.

Thaburi 119:127

Nie nîmendete mawatho maku gûkîra thaavu, gûkîra thaavu ntheru.

Thaburi 119:162

Nîngenaga nî kiugo gîaku, ta mûndû wîtavîrîte ûtonga mwîngî.

Thaburi 119:72

Watho ûrîa wamvere, kûrî nie nî mwaro mûno gûkîra thaavu na sîlûva cionthe.

Thaburi 37:16

Nîkava kanyamû kanini karîa mûndû mûthingu arî nako, gûkîra indo nyîngî cia andû arîa aganu.

Mathaayo 12:32

Mûndû wa wonthe ûrumaga Mûrû wa Mûndû nîakooverwa, nwatî mûndû wa wonthe ûrumaga Roho Mûtheru ndakooverwa îvindarî rîîrî kana rîrîa rîgaaûka.

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

1Tim 4:8

Kûmenyeria mwîrî gwîka maûndû nîguo ûgîe na vinya nî ûndû mwaro, nwatî kwîmenyeria gwîka maûndû marîa mangîtûma ûgîe na vinya wa kîîroho kûrî vata na njîra cionthe, nîûndû nîkûretagîra mûndû kîîrîgîrîro mwoyorî ûyû tûrî naguo rîu na mwoyorî ûrîa ûgaaûka.

1Tim 6:6

Gûtuîka Mûkristiano nî gûtûmaga mûndû agîe na ûtonga mûnene ethîrwa tu mûndû nîmwîganîru na kîrîa arî na kîo.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Kûguû 2:17

“Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.