Luka 18:23 - ÎVUKU RÎA ÛVORO MWARO

²³ Nwatî rîrîa mûndû ûcio eegwire ûguo, nîwanyitirwe nî kîeva kîîngî mûno nîûndû ke aarî mûtongu mûno.

Luka 18:23 ပူးပေါင်းရင်းမြစ်များ

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Mathaayo 19:22

Rîrîa mwanake ûcio eegwire ûguo, nîwathiîre arî na kîeva kîngî mûno nîûndû aarî mûndû mûtongu.

Maariko 10:22

Rîrîa mûndû ûcio eegwire ûguo, nîwairire kîthithi, na akîthiî aritûvîrîtwe mûno ngororî yake, nîûndû aarî mûtongu mûno.

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Luka 18:22

Rîrîa Jesû eegwire ûguo nîwerire mûndû ûcio atîrî, “Varî na ûndû ûmwe tu ûtigarîtie. Thiî ûkendie indo cionthe ciaku na ûve athîni mbeca icio, nawe nîûkwîigîra mûthithû îgûrû kwa Ngai, na ûcoke ûnûmîrîre.”

Luka 18:24

Rîrîa Jesû oonire mûndû ûcio anyitwa nî kîeva nîwaugire atîrî, “Na kaî nî ûndû mûmû itonga gûtonya Ûthamakirî wa Ngai-î!

Luka 19:8

Nake Zakayo nîwaumîrire vau mbere yao onthe na akîîra Mwathani atîrî, “Tathikîrîria Mwathani! Nie nîngûva athîni nuthu ya indo ciakwa. Na angîthîrwa kûrî mûndû nanacuuna kîndû gîake, nîngûmûrîva maita mana ma kîo.”

Luka 21:34

“Îîmenyerereni! Mûtigetîkîre gûtûmîra mavinda menyu monthe na kûrîa mûno na kûnyua na kûthînîka mûno mûgîîciria mûno ûvoro wîgiî maûndû ma gûkû nthî. Mweka ûguo mûkethîrîrua nî mûthenya ûcio mûtevarîrîtie,

Luka 8:14

Nacio mbeû irîa ciagwîre mbîtîkîrarî ya mvîndî cia mîgua, nî andû arîa mathikagîrîria ndûmîrîri ya Ngai, nwatî waganu, ûtonga, na ikeno cia gûkû nthî ikathararia ndûmîrîri îo, na maciaro mayo makarega gûkûra.

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

Afil 3:8

Nîma monaga maûndû monthe marî ma mana nîûndû wa kûgîa na ûndû ûrîa ûrî na umithio mûnene. Ûndû ûcio nî ûvoro wa kûmenya Jesû Kristû Mwathani wakwa. Nîûndû wake nîndiganîrîtie indo cionthe na ngaitua ta macaki ma gûtewa nîguo ngîe na Kristû arî umithio na

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

1Joh 2:15

Mûtikende nthî kana indo irîa ciîthagîrwa irî kuo. Mûndû ûrîa wendete nthî, ndethagîrwa endete îthe wetû.