Luka 18:11 - ÎVUKU RÎA ÛVORO MWARO

¹¹ “Mûfarisai nîwarûngamire vandû arî wenga na akîvoya na ngoro atîrî, ‘Ngai nîragûcokeria ngatho nîûndû nie ndiîkariî ta andû arîa engî methagîrwa marî akoroku, aganu na andû arîa mavûûraga ûmaraa. Nîragûcokeria ngatho nîûndû nie ndiîkariî ta mwîtia ûrîa wa mbeca cia gooti.

Luka 18:11 ပူးပေါင်းရင်းမြစ်များ

Thaburi 134:1

Ûkani mûkumie Ngai-Mûnene, mue ndungata cionthe cia Ngai-Mûnene, mue arîa mûtungataga nyombarî ya Ngai-Mûnene ûtukû.

Thaburi 135:2

mue arîa mûrûngamaga nyombarî ya Ngai-Mûnene, mue arîa mûrûngamaga nja ya nyomba ya Ngai wetû.

Nthi 20:6

Andû eengî metucaga atî nî aro, nwatî mûndû mwîvokeku angîuma kû?

Nthi 30:12

Kûrî andû meyonaga marî atheru nwatî methagîrwa matarî atheru.

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 58:2

Mangoocaga mîthenya yonthe, na nîmendaga kûmenya njîra ciakwa, takwa marî rûrîrî rûtwîre rwîkaga maûndû ma ûthingu, na rûtarî rwatiganîria maathani ma Ngai wao. Mendaga nîmatuîre ciira na kîvooto, na makendaga gûkuvîvîria Ngai.”

Isaia 65:5

Meraga andû arîa engî atîrî, ‘Mûtigatûkuvîvîrie; tue tûrî atheru kûmûkîra, mûtigatûvutie!’ Andû ta acio ndingîmakirîrîria, marakara makwa kûrî o mekariî ta mwaki ûrîa ûtavoraga.

Jeremia 2:28

Nwatî irîkû ngai cienyu icio mwîrûthîrîte? Nîciûkîre, ethîrwa nwa ivote kûmûtethia, vîndî îrîa mûrî thînarî. We Juda mwîgana wa ngai ciaku nîta mwîgana wa matûûra maku.

Jeremia 2:35

we ugaga atî: “Nie ndirî na mevia, nama marakara ma Ngai-Mûnene marî varaca nanie.” Taroria nîngûkûverithia nîûndû wa kuga atî ndûrî mwîvia.

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Mathaayo 10:3

Filipu na Batholomayo; Toma na Mathaayo ûrîa warî mwîtia mbia cia gooti; Jakovu mûrû wa Alufayo, na Thadayo;

Mathaayo 5:20

Nie nîramwîra atî, mue mûtigaatonya Ûthamakirî wa îgûrû tiga nwanga mwîthîrwe mûrî athingu gûkîra arimû a Watho na Afarisai.

Mathaayo 6:5

“Na vîndî îrîa mûkûvoya, mûtikavoyage ta mvinga! Mvinga ciendaga kûvoya irûngamîte mavoerorî na makathîkanorî ma njîra, nîguo cionwe nî andû. Nîramwîra na ma atî, mvinga icio nîirîkîtie kûvewa mûcara wacio.

Maariko 11:25

Rîrîa rîonthe mûrûngamîte mûkîvoya, ovagîrani andû onthe arîa mamûvîtîrîtie nîguo îthe wenyu ûrîa wî îgûrû wa nake amwovagîre mevia menyu.” [

Luka 20:47

Andû acio nwao mathithûkagîra aka a ndigwa na makamacuna indo ciao cionthe na magacoka makeyonania ûrîa marî aro na njîra ya kûracavia mavoya. Andû acio nîmakaaverithua mûno makîria!”

Luka 22:41

Jesû nîwacokire akîmatiga, akîthiî vandû wata varîa mûndû angîvota gwikia îthiga, na aaturia maru nîwavoire atîrî,

Agal 3:10

Andû arîa meciragia nîmagaatuwa athingu mbere ya Ngai nîûndû wa kûvingia watho nî arume. Nîûndû mandîko matheru maugîte atîrî: “Mûndû wa wonthe ûtavingagia maûndû monthe marîa mandîkîtwe wathorî nî mûrume.”

Afil 3:6

Nînaagîre na kîîo kîngî mûno gîa kûnyarira kanitha wa Kristû. Maûndûrî megiî ûthingu nîûndû wa kwathîkîra watho, ndiarî na ûcuke.

Kûguû 3:17

We uugaga atîrî, ‘Ûrî mûtongu na ûrî na indo nyîngî na gûtirî na kîndû ûvatarîte.’ Nwatî we ndûramenya ûrîa ûrî mûkîa na wagîrîrwe nî kwîguîrwa ntha! We ûrî mûthîni, ûrî njaga na ûrî mûtumumu.