Luka 17:8 - ÎVUKU RÎA ÛVORO MWARO

⁸ Na ma ndangîmîra ûguo! Vandû va ûguo nwa amîrire atîrî, ‘Mvarîrîria irio cia kîvwaî na weterere ndîe na nyue. Navaa nîrîo ûkaarîa na ûnyue.’

Luka 17:8 ပူးပေါင်းရင်းမြစ်များ

Kîam 43:16

Nake Josefu ona Benjamini marî vamwe nao, nîwerire ndungata îrîa yamenyagîrîra gwake mûciî atîrî, “Oca andû aya ûmavire nyomba gwakwa. Ûcoke ûmathînjîre na ûvarîrie irio nîûndû ngaarîcanîra nao irio thaa thita.”

2Sam 12:20

Daudi nîwaûkîrire varîa aamamîte nthî, akîîthambia agîîcanûra njuîrî, na agîcenjia nguo. Nîwacokire akîthiî nyombarî ya Ngai-Mûnene na akîvoya. Vuva wa ûguo nîwacokire gwake mûciî agîtia irio na akîrîa.

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Luka 17:7

“Ethîrwa kûrî mûndû gatagatîrî kenyu ûrî na ndungata îrarîma mûgûndarî kana îrarîthia mbûri, yauma mûgûndarî nwa amîre atîrî, ‘Ûka wîkare nthî ûrîe?’

Luka 17:9

Ndungata îcokerue ngatho nîûndû wa gwîka ûrîa mwene amîra îke?

Johana 13:4

Kwoguo rîrîa maarî metharî makîrîa Jesû nîwaûkîrire, akîruta nguo yake îrîa eekagîra îgûrû na akîîyova taurû kîûnûrî.