Luka 17:7 - ÎVUKU RÎA ÛVORO MWARO

⁷ “Ethîrwa kûrî mûndû gatagatîrî kenyu ûrî na ndungata îrarîma mûgûndarî kana îrarîthia mbûri, yauma mûgûndarî nwa amîre atîrî, ‘Ûka wîkare nthî ûrîe?’

Luka 17:7 ပူးပေါင်းရင်းမြစ်များ

Mathaayo 12:11

Nake Jesû nîwamacokeria atîrî, “Kethîrwa ûmwe wa cienyu arî na ng'ondu, nayo îgwe îrimarî îrikîru mûthenya wa thavatû, anga ndangîmînyita na amîrute?

Luka 13:15

Nake Mwathani nîwamûcokerie atîrî, “Mue mvinga ino! Kûrî mûndû wana ûmwe gatagatîrî kenyu ûtathaûraga ng'ombe kana mvunda yake nîguo amîvire îthiî îkanyue manjî mûthenya wa thavatû?

Luka 14:5

Nake Jesû nîwacokire akîmaûria atîrî, “Mûndû ûmwe gatagatîrî kenyu angîthîrwa na mûvîcî ûvarûkîte kîthimarî mûthenya wa thavatû, wana kana ng'ombe, na kinthî ndangîiruta wa rîmwe mûthenya ûcio wa thavatû?”

Luka 17:26

Wata ûrîa gwekariî vîndî ya Nuhu, nwaguo gûgeekara mûthenya wa Mûrû wa Mûndû.

Luka 17:6

Nake Mwathani nîwamacokerie atîrî, “Angîthîrwa mûrî na wîtîkio wîgana ta mvîndî ya mûtî wa karatarî, nwa mwîre mûkûyû ûyû atîrî, ‘Îîkûûre na wîvande îriarî!’ Naguo nwa ûmwathîkîre.

Luka 17:8

Na ma ndangîmîra ûguo! Vandû va ûguo nwa amîrire atîrî, ‘Mvarîrîria irio cia kîvwaî na weterere ndîe na nyue. Navaa nîrîo ûkaarîa na ûnyue.’