Luka 17:30 - ÎVUKU RÎA ÛVORO MWARO

³⁰ Ûguo nwaguo gûgeekara mûthenya ûrîa Mûrû wa Mûndû akoonanua.

Luka 17:30 ပူးပေါင်းရင်းမြစ်များ

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Mathaayo 24:3

Vîndî îrîa Jesû eekarîte nthî kîrîmarî Kîam mîtî ya mîtamaiyû îrîa îciaraga matunda, arutwa ake nîmaathiîre kûrî ke marî oonga na makîmwîra atîrî, “Ta twîre atîrî, maûndû mama monthe mageekîka rî, na nîndûî gîgaatwonia atî îvinda rîa gûka gwaku na rîa îthirîro rîa nthî nîrîkinyu.”

Mathaayo 24:37

Rîrîa Mûrû wa Mûndû agaaûka, gûkeethîrwa gwîkariî wata ûrîa gwekariî vîndî ya Noa.

Mathaayo 24:39

Nwatî o matiamenyaga ûrîa gwekîkaga nginya mûthenya ûrîa maaûrîîre manjîrî onthe. Ûguo nîguo gûkeethîrwa gwîkariî vîndî îrîa Mûrû wa Mûndû agaaûka.

Mathaayo 26:64

Nake Jesû nîwamwîrire atîrî, “We nîwauga guo. Nwatî nîramwîra atîrî muonthe; kuuma rîu nîmûkwona Mûrû wa Mûndû ûrîa wîkaraga mwena wa ûrîo wa Ngai Mwene Vinya na mwone agîûka arî matuurî ma îgûrû!”

Maariko 13:26

Nake Mûrû wa Mûndû nîakoonekana agîûka arî matuurî, na arî na vinya nyîngî na riiri.

Luka 17:24

Nîûndû wata ûrîa rûveni rûvenagia na rûkamûrîka matu kuuma mwena ûmwe nginya mwena ûrîa wîngî, ûguo nwaguo Mûrû wa Mûndû ageekara mûthenya ûcio wake.

Luka 17:29

Nwatî mûthenya ûrîa Loti aaumire Sodomu, Ngai nîwaurithirie mwaki na ûviriti, na ûkîûraga andû acio onthe.

Luka 21:22

Nîûndû mîthenya îo nîo îkethîrwa îrî ya kûverithania nîguo maûndû monthe marîa Mandîko Matheru maugîte mavinge.

Luka 21:27

Nake Mûrû wa Mûndû nîagaacoka onekane agîûka arî îtuurî na arî na vinya na riiri.

1Akor 1:7

Kwoguo mue nîmwamûkîrîte iveo cia mîthemba yonthe irîa Roho wa Ngai avecanaga wa mwetererete mûthenya wa kûguûrua kwa Mwathani wetû Jesû Kristû.

1Akor 1:8

Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

Akol 3:4

Ûtûûro wetû wa ma nî Kristû na rîrîa ke agaaûka rîngî gûkû nthî, wa namue nîmûkoonekana mûrî vamwe nake na mûrî na riiri ta wake.

2Ath 1:7

amûvurûkie na atûme mûthirwe nî mathîna mue arîa mûthînagua wa vamwe natue. Ngai ageeka ûguo rîrîa Mwathani Jesû akeyumîria kuuma îgûrû arî na araika ake arîa marî ûvoti,

1Pet 1:13

Kwoguo îcirieni waro îgûrû rîa ûrîa mûgeere gwîka. Îkaragani mwîîguîte na mwigîte mwîrîgîrîro wenyu wonthe kûrî kîveo Kîam Wega wa Ngai. Mûkaavewa kîveo kîu rîrîa Jesû Kristû akaaguûrua.

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.

1Pet 4:13

Nwatî kenani nîûndû mûrathînua wata ûrîa Kristû aathînirue, nîguo mûkeethîrwa mwîcûrîtwe nî gîkeno rîrîa riiri wake ûkaaguûrua.

1Joh 2:28

Na rîu twana twakwa, îkarani ndaarî yake nîguo vîndî îrîa agaaûka, tûkethîrwa tûrî na ûmîrîru, nîguo tûtikegue nthoni tûrî mbere yake mûthenya ûrîa agaaûka.

1Joh 3:2

Arata akwa, tue rîu tûrî ciana cia Ngai. Gûtiramenyekana waro ûrîa tûkethîrwa twîkariî. Nwatî nîtwîcî atî rîrîa Kristû akoonekana, tûkethîrwa twîkariî take nîûndû tûkaamwona nama ûrîa ekariî.

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!