Luka 17:24 - ÎVUKU RÎA ÛVORO MWARO

²⁴ Nîûndû wata ûrîa rûveni rûvenagia na rûkamûrîka matu kuuma mwena ûmwe nginya mwena ûrîa wîngî, ûguo nwaguo Mûrû wa Mûndû ageekara mûthenya ûcio wake.

Luka 17:24 ပူးပေါင်းရင်းမြစ်များ

Ezek 1:14

Ciûmbe icio ciathiîcaga na mbere na igacoka na vuva ta rûveni.

Zakaria 9:14

Ngai-Mûnene nîakeyonithania arî îgûrû rîa andû ake, mîguî yake îthiîcaga ta rûveni; Mwathani Ngai nîakaavuva karumbeta, na athiî arî rûkûngirî rwa mwena wa îveti.

Mathaayo 24:27

Nîûndû Mûrû wa Mûndû agaûka ta rûveni rûrîa rûvenagia îgûrû matuurî kuuma mwena wa îrathîro nginya mwena wa îthûîro.

Mathaayo 24:30

Nakîo kîmenyithia gîa gûka kwa Mûrû wa Mûndû nîgîkeyumîria matuurî. Nao andû onthe a nthî nîmakaarîra moona Mûrû wa Mûndû agîûka arî ndaarî ya matu ma îgûrû, arî na vinya na riiri mwîngî.

Mathaayo 25:31

“Vîndî îrîa Mûrû wa Mûndû agaacoka arî Mûthamaki, na arî na araika ake onthe, nîagekarîra gîtî gîake Kîam ûthamaki.

Mathaayo 26:64

Nake Jesû nîwamwîrire atîrî, “We nîwauga guo. Nwatî nîramwîra atîrî muonthe; kuuma rîu nîmûkwona Mûrû wa Mûndû ûrîa wîkaraga mwena wa ûrîo wa Ngai Mwene Vinya na mwone agîûka arî matuurî ma îgûrû!”

Mathaayo 5:15

Gûtirî mûndû ûgwatagia taa na akamîkunîkîra na ndeve. Nwatî mûndû agwatagia taa, na akamigîrîra vandû îgûrû nîguo ûtheri wayo ûtherere andû onthe arîa marî kûu nyomba.

1Akor 1:8

Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

1Ath 5:2

Nîûndû nîmwîcî waro atî Mwathani agaaûka gûtarî mûndû ûkûmwîrîgîrîra wata ûrîa mwîi aûkaga ûtukû.

2Ath 2:2

mûtikagague meciriarî kana mûmakue nî andû mûkîragwa atî mûthenya wa Mwathani nî mûkinyu. Nwa kwîthîrwa o meciragia atî twamwîrire maûndû mama vîndî îrîa twarathaga na twamûvunjagîria kana atî nîkwa twamwandîkîre maarûa.

2Ath 2:8

Vîndî îo Mûndû ûcio Mwaganu nîakoonanua. Nwatî rîrîa Mwathani Jesû agaaûka nîakaamûraga na mîruke kuuma kanyuarî gake na amûthirie na njîra ya kwîyumîria arî na riiri.

Jakuvu 5:8

Wa namue nwa nginya mûkiragîrîrie. Îthagîrwani mûrî na kîîrîgîrîro nîûndû Mwathani arî vakuvî gûka.

2Pet 3:10

Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.