Luka 17:14 - ÎVUKU RÎA ÛVORO MWARO

¹⁴ Rîrîa Jesû oonire andû acio nîwamerire atîrî, “Thiîni mûkeyonanie kûrî athînjîri-Ngai.” Na marî njîrarî mathiîte, nîmaatherirue.

Luka 17:14 ပူးပေါင်းရင်းမြစ်များ

2Atha 5:14

Kwoguo Namani nîwathiîre rûnjîrî rwa Jorodani. Nîwetovokirie kuo maita mûgwanja, wata ûrîa eerîtwe nî mûrathi Elisha na nîwavonire viû na mwîrî wake ûgîkara ta wa kaana.

Isaia 65:24

Nîngegucaga mavoya mao wana mbere ya mamvoya, na ngaamacokagîria mavoya mao wana matarîkîtie kûvoya.

Mathaayo 3:15

Nwatî Jesû nîwamûcokerie atîrî, “Tiga gûtuîke guo rîu, nîûndû nîkwagîrîrîte tue tûvingie wendi wa Ngai.” Kwoguo Johana nîwetîkîre kûvatithia Jesû.

Luka 5:14

Nake Jesû nîwerire mûndû ûcio atîrî, “We ndûkeere mûndû wa na ûmwe ûndû ûyû. Nwatî thiî ûkarorue nî mûthînjîri-Ngai na ûrute îgongoona wata ûrîa Musa aathanire. Na weka ûguo, andû onthe nîmakûmenya atî nîwatherua.”

Johana 11:10

Nwatî mûndû wa wonthe ûthiîcaga ûtukû nîavîngagwa nîûndû ndethagîrwa na ûtheri wa kûmûvotithia kwona.”

Johana 2:5

Ng'ina wa Jesû nîwacokire akîra ndungata atîrî, “Îkani ûndû wa wonthe ûrîa ke akûmwîra mwîke.”

Johana 9:7

na akîmwîra atîrî, “Thiî ûkethambie metho îriarî rîa Siloamu.” (Siloamu nî kuga “Ûrîa mûtûme.”) Kwoguo mûndû ûcio nîwathiîre akîîthambia na agîcoka akîonaga.