Luka 16:3 - ÎVUKU RÎA ÛVORO MWARO

³ Nayo ndungata îo nîyeîrire na ngoro atîrî, ‘Nie rîu nîmbîka atîa, nîûndû gîtonga gîakwa nîgîkûmvuta? Nie ndirî na vinya mbîganu ya kûvota gûcimba na nwa njonoke mûno ngîvoya ûtethio.

Luka 16:3 ပူးပေါင်းရင်းမြစ်များ

Esita 6:6

Kwoguo Hamani nîwatonyire nake mûthamaki akîmwîra atîrî, “Kûrî na mûndû nîrenda kûva gîtîîo mûno, mûndû ûcio nînîmwîka atîa?” Hamani nîweyûririe atîrî, “Nî mûndû ûrîkû mûthamaki angîva gîtîîo tiga nie?”

Nthi 13:4

Kîgûûta kîîriragîria kîndû na gîtikîonaga, nwatî mûndû ûrî kîîo nîagîcaga na indo nyîngî.

Nthi 15:19

Mûndû kîgûûta ethagîrwa ecûrîtwe nî mathîna, nwatî mûndû mwîvokeku ndonaga thîna.

Nthi 18:9

Mûndû ûrîa kîgûûta nwata ûrîa ûcûkangagia indo.

Nthi 19:15

Ûgûûta ûtûmaga mûndû amame; nwatî kûgangara gûtûmaga mûndû anyitwe nî yûra.

Nthi 20:4

Mûndû kîgûûta ndavotaga kûvarîria mûgûnda wake kavinda karîa kagîrîru, vîndî ya maketha yakinya ndagaaketha kîndû.

Nthi 29:21

Mûndû ûrîa ûvecaga ndungata yake kîrîa kîonthe endaga kuuma arî mûnini, mûthiiarî ndungata îo nîîkaamûgaa.

Isaia 10:3

Mûgeeka atîa mûthenya ûrîa Ngai akaamûverithia, rîrîa akaamûretere rûkûngi rûnene kuuma vûrûri wa kûraca? Mûkaathiî kûvoya ûtethio kûrî û? Mûgaatiga ûtonga wenyu kû?

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Hosea 9:5

Mûgeeka atîa mûthenya ûrîa mûtuîte wa kîrugo, na mîthenya ya kîrugo Kîam Ngai-Mûnene?

Mathaayo 20:8

“Na kîvwaî gîakinya, mwene mûgûnda ûcio nîwerire mûmenyereri wa mûgûnda wake atîrî, ‘Îta aruti wîra na ûmarîve mûcara wao na wambîrîrie na arîa mandîkirwe vuva, ûcoke ûrîkîrîrie na arîa mandîkirwe mbere.’

Maariko 10:46

Nao nîmaakinyire Jeriko. Na rîrîa Jesû aaumire Jeriko marî na arutwa ake, wa vamwe na gîkundi kînene Kîam andû, nîmoonire mûtumumu wekarîte rûtererî rwa njîra akîvoyaga ûtethio. Na mûtumumu ûcio eetagwa Baritimayo (mûrû wa Timayo).

Luka 12:17

Nake nîwambîrîrie kwîyûria na ngoro atîrî, ‘Angwa rîu nie nîmbîka atîa, nîûndû ndirî na îkûmbî nîngîkethera irio ino cionthe?’

Luka 16:2

Kwoguo nîkîamwîtire na gîkîmûûria atîrî, ‘Ûvoro ûcio nîregua ûkwîgiî, nî ûrîkû? Mandîkîra mûtaratara mwaro wa kûmonia wîra ûrîa ûrutîte ta mûmenyereri wa indo ciakwa, nîûndû we ndûgûcoka kûmenyerera indo ciakwa rîngî.’

Luka 16:20

Na wa kûu kwarî na mûthîni ûmwe wetagwa Lazaro, ûrîa warî na ironda nyîngî mûno mwîrîrî wake. Nake Lazaro nîwaviragwa mûromorî wa nyomba ya gîtonga kîu,

Luka 16:22

“Kavinda karîa mûthîni ûcio aakwire, araika nîmaamûkuuire na makîmûvira îgûrû agekaranîre na Iburahimu kîrugorî îgûrû. Nakîo gîtonga kîu nîgîakwire na gîkîthikwa.

Luka 16:4

Rîu nînamenya ûrîa ngwîka, nîguo andû makaangwataga ûgeni mîciîrî yao navutwa wîra.’

Luka 18:4

Nake mûcirithania ûcio nîwekarire mîthenya mîîngî akîregaga gûtethereria mûndûmûka ûcio, nwatî mûthiiarî akîîra na ngoro yake atîrî, ‘Wana angîthîrwa ndiîtigagîra Ngai kana ngava andû gîtîîo,

Johana 9:8

Nao andû arîa maariganîtie nake na arîa maamenyerete kûmwona akîvoya ûtethio nîmaaûririe atîrî, “Na kinthî mûndû ûyû tîke ûramenyerete kûvoya ûtethio ekarîte nthî?”

Ciîko 3:2

Na vau mûromorî wa hekarû, ûrîa wetagwa Mûromo Mûthaka, vaarî na mûndû watûûrîte onjete magûrû kuuma gûciarwa gwake. Wa mûthenya wa mûthenya nîwakuuagwa akaigwa vau mûromorî ûcio nîguo avoe mbeca kuuma kûrî andû arîa maatonyaga hekarûrî.

Ciîko 9:6

“Nwatî ûkîra wa rîu, ûthiî îtûûrarî, na nîûkwîrwa ûrîa wagîrîrîtwe nî gwîka.”

2Ath 3:11

Tue tûrauga ûguo nîûndû tûregua atî andû amwe gatagatîrî kenyu matirutaga wîra. Matindaga makîûrûra na magîtangaga andû arîa engî mawîrarî mao.