Luka 15:7 - ÎVUKU RÎA ÛVORO MWARO

⁷ Nîramwîra na ma atî, ûguo nwaguo îgûrû kwîthagîrwa na gîkeno makîria, nîûndû wa mwîvia ûmwe ûrîa wîrirîte, gûkîra gîkeno kîrîa kîthagîrwa kuo nîûndû wa andû athingu mîrongo kenda na kenda, arîa matarî na ûvatari wa kwîrira.

Luka 15:7 ပူးပေါင်းရင်းမြစ်များ

Nthi 30:12

Kûrî andû meyonaga marî atheru nwatî methagîrwa matarî atheru.

Mathaayo 18:13

Nîramwîra na ma atî mûndû ûcio ona ng'ondu îo îraûrîte, nîakenaga mûno gûkîra ûrîa akenagua nî ng'ondu mîrongo kenda na kenda irîa itararî mbûru.

Mathaayo 3:8

Îkani maûndû ma kwonania atî nîmwîrirîte mevia menyu.

Luka 15:10

Nîramwîra atî, ûguo nwa guo araika a Ngai makenagîra mwîvia ûmwe ûrîa wîrirîte mevia make.”

Luka 15:29

Nwatî mwanake ûcio nîwacokerie îthe atîrî, ‘Vava tathikîrîria ngwîre! Ngûrutîrîte wîra mîaka îno yonthe ndagûkûvîtîria, nwatî ndwanamva wanarî koori kamwe nîguo tûrîcanîre na arata akwa tûkenete.

Luka 15:32

Nwatî nîkûragîrîrîte tûkûngûîre na tûkene nîûndû mûrwanyûkwe ûyû ararî mûkuû nwatî rîu nîmûriûku, na ararî mûru na rîu nî mwoneku.’ ”

Luka 15:6

na akamîkuua amîcoketie na mûciî. Na akinya mûciî, nîwîtaga arata ake wa vamwe na andû arîa maatûûranîrîte nake na akameera atîrî, ‘Ûkani tûkenanîre nîûndû nîrîmwonu ng'ondu yakwa îrîa îraûrîte!’

Luka 15:8

“Kana ethîrwa mûndûmûka arî na ciringi îkûmi cia sîlûva, na îmwe yacio yûre-î, ekaga atîa? Na kinthî ndagwatagia taa, na akavaata nyomba agîcaragia ciringi îo na vinya nginya rîrîa akaamîona?

Luka 16:15

Nake Jesû nîwamerire atîrî, “Mue mwendaga gwîtua ûrîa mûrî aro methorî ma andû, nwatî Ngai nîwîcî ngoro cienyu. Nîûndû maûndû marîa monekanaga marî na vata methorî ma andû matirî vata methorî ma Ngai.

Luka 5:32

Nie ndiûkîte gwîta andû arîa athingu, nwatî mbûkîte gwîta evia nîguo merire.”

Aroma 7:9

Nie nînatûûraga mwoyo wana mbere ya menya watho. Nwatî rîrîa naamenyire maathani, mevia nîmaagîre vinya,