Luka 15:29 - ÎVUKU RÎA ÛVORO MWARO

²⁹ Nwatî mwanake ûcio nîwacokerie îthe atîrî, ‘Vava tathikîrîria ngwîre! Ngûrutîrîte wîra mîaka îno yonthe ndagûkûvîtîria, nwatî ndwanamva wanarî koori kamwe nîguo tûrîcanîre na arata akwa tûkenete.

Luka 15:29 ပူးပေါင်းရင်းမြစ်များ

Isaia 65:5

Meraga andû arîa engî atîrî, ‘Mûtigatûkuvîvîrie; tue tûrî atheru kûmûkîra, mûtigatûvutie!’ Andû ta acio ndingîmakirîrîria, marakara makwa kûrî o mekariî ta mwaki ûrîa ûtavoraga.

Zakaria 7:3

na maûrie athînjîri-Ngai arîa matungataga hekarûrî ya Ngai-Mûnene mwene vinya wonthe na arathi atîrî, “Nîwaro tûthiî na mbere gûcakaya na kwînyerekia mwerirî ûyû wa gatano ta ûrîa tûtwîre twîkaga mîaka mîîngî?”

Malaki 3:14

Mue mugaga atîrî, ‘Gûtirî na vata wa gûtungatîra Ngai-Mûnene. Kûrî na umithio ûrîkû wa kwathîkîra Ngai-Mûnene, mwene vinya wonthe, kana kûgeria kûmwonia atî nîtwîvîtie tûrî mbere yake na njîra ya kûthiî varî ke tûgîcakayaga.

Mathaayo 20:12

Nîmaaugaga atîrî, ‘Andû aya mandîkirwe vuva wetû marutîte wîra îthaa rîmwe tu, warîrîa tue tûrutîte wîra mûthenya mûgima tûkîvîcaga nî riûa na wacoka watûrîva ûndû ûmwe na o!’

Luka 15:28

“Mwanake ûcio mûkûrû nîwarakarire mûno na akîrega gûtonya nyomba. Kwoguo îthe nîwaumire nja na akîambîrîria kûmûthaitha atonye nyomba.

Luka 15:30

Nwatî mûvîcîguo anangîte indo cionthe ciaku marî na maraa, na acoka mûciî wamûthînjîra karegwa karîa kanoru!’

Luka 15:7

Nîramwîra na ma atî, ûguo nwaguo îgûrû kwîthagîrwa na gîkeno makîria, nîûndû wa mwîvia ûmwe ûrîa wîrirîte, gûkîra gîkeno kîrîa kîthagîrwa kuo nîûndû wa andû athingu mîrongo kenda na kenda, arîa matarî na ûvatari wa kwîrira.

Luka 17:10

Kwoguo wa namue rîrîa mweka ûndû wa wonthe ûrîa mwerwa mwîke ugagani atîrî, ‘Tue tûrî ndungata itarî mbagîrîru tweka tu ûrîa tûragîrîrwe nî gwîka.’ ”

Luka 18:9

Andû arîa meetucaga atî nîo athingu na magatua atî arîa engî onthe nî evia, nîmaaveerwe nî Jesû ngerekano îno.

Luka 19:21

Nînaagwîtigîre nîûndû ûrî mûndû wa ngoro nyûmû. We wocaga kîndû kîrîa ûtathithinîrîte na ûgaketha kîrîa ûtavandîte.’

Aroma 10:3

Nîûndû wa kûrega kûmenya ûthingu ûrîa uumaga kûrî Ngai, o nîmageretie kwîrûthîra ûndû wao o ene. Kwoguo nîmaaregire kûrûmîrîra njîra îrîa Ngai atûcaga mûndû mûthingu.

Aroma 3:20

Nîûndû gûtirî mûndû ûngîtuîka mûthingu mbere ya Ngai nîûndû wa kwathîkîra Watho. Ûrîa watho wîkaga nî kûmenyithia mûndû atî nî evîtie.

Aroma 3:27

Tue tûngîîtîîa nîkî? Gûtirî na gîtûmi! Nîûndû nîtwathîkagîra watho? Naarî! Nwatî nîûndû nîtwîtîkîtie.

Aroma 7:9

Nie nînatûûraga mwoyo wana mbere ya menya watho. Nwatî rîrîa naamenyire maathani, mevia nîmaagîre vinya,

Kûguû 2:17

“Mûndû wa wonthe ûrî na matû ma kwîgua, nîathikîrîrie ûrîa Roho areera makanitha! “Arîa makaavootana nie nîngaamava mamwe ma maana marîa mathithe. Nie nîngaava wa ûmwe wa ciao îthiga rîa rangi njerû rîandîkîtwe rîîtwa rîcerû. Rîîtwa rîu rîtikethîrwa rîcîkene nî mûndû wîngî tiga ûrîa ûkaarîamûkîra.

Kûguû 3:17

We uugaga atîrî, ‘Ûrî mûtongu na ûrî na indo nyîngî na gûtirî na kîndû ûvatarîte.’ Nwatî we ndûramenya ûrîa ûrî mûkîa na wagîrîrwe nî kwîguîrwa ntha! We ûrî mûthîni, ûrî njaga na ûrî mûtumumu.