Luka 15:27 - ÎVUKU RÎA ÛVORO MWARO

²⁷ Nayo ndungata îo nîyamûcokerie atîrî, ‘Nî mûrwanyûkwe ûrîa mûnini ûcokire mûciî. Nake aguo amûthînjîra karegwa karîa kanoru viû nîûndû nîamûcokerere arî mûgima.’

Luka 15:27 ပူးပေါင်းရင်းမြစ်များ

Mathaayo 22:4

Nake nîwacokire agîtûma ndungata ciîngî na agîciîra atîrî, ‘Îrani andû arîa metîtwe kîrugorî atî: Îruga rîakwa nîrîvarîrie. Ndegwa na njaû irîa noru nî nthînje na irio nî mvîu; ûkani îrugarî rîa ûviki!’

Luka 15:26

Kwoguo nîwetire ndungata îmwe na akîmîûria atîrî, ‘Nîndûî kîrathiî na mbere?’

Luka 15:28

“Mwanake ûcio mûkûrû nîwarakarire mûno na akîrega gûtonya nyomba. Kwoguo îthe nîwaumire nja na akîambîrîria kûmûthaitha atonye nyomba.

Luka 15:30

Nwatî mûvîcîguo anangîte indo cionthe ciaku marî na maraa, na acoka mûciî wamûthînjîra karegwa karîa kanoru!’

Ciîko 22:13

Nake nîwaûkire kûrî nie, akîrûngama vakuvî nanie na akîmbîra atîrî, ‘Saûlo mûrû wa îthe wetû, coka kwona rîngî!’ Na vîndî wa îo nînavotire kwona rîngî na ngîmûroria.

Ciîko 9:17

Kwoguo Anania nîwathiîre, agîtonya mûciî kwa Judasi, akigîrîra Saûlo njara na akîmwîra atîrî, “Saûlo mûriû wa îthe wetû, nie nînatûmwa nî Mwathani Jesû ûrîa ûrakumîrîre vîndî îrîa we ûraûkîte gûkû. Ke andûma nîguo we ûvote kwona rîngî na wîcûrwe nî Roho Mûtheru.”

File 1:16

Na rîu ke tî ngombo tu, nwatî nîakîrîte ngombo; nî mûrû wa îthe wetû. Nanie nîmwendete mûno, nwatî we nîûkûmwenda mûno makîria nîûndû ke nî ngombo yaku na nî mûrû wa îthe wetû wîtîkîtie Mwathani.

1Sam 28:24

Mûndûmûka ûcio nîwathînjire njaû noru îrîa aarî nayo na îvenya, agîcoka agîoca mûtu wa ngano, agîûkanda na akîthondeka mîgate îtarî na ndawa ya kwimbia.