Luka 15:24 - ÎVUKU RÎA ÛVORO MWARO

²⁴ nîûndû mwanake ûyû wakwa ararî mûkuû, nwatî rîu nîmûriûku; ararî mûru nwatî rîu nîmwoneku.’ Na kwoguo nîmaambîrîrie gûkenanîra.

Luka 15:24 ပူးပေါင်းရင်းမြစ်များ

Kîam 45:28

Kwoguo Isiraeli nîwaugire atîrî, “Nî ûguo rîu! Ethîrwa mûvîcîwa arî wa mwoyo, nwanginya nthiî ngamwone mbere ya ngua.”

Isaia 35:10

Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.

Isaia 66:11

Nîûndû nîmûkoonga na mwîganie, mûkaarîa ûtonga warîo na mwîganie; mûkaanyua mûkenete na mûvae, kuumana na wîngî wa ikeno ciake.

Ezek 34:16

“Ng'ondu irîa ciûrîte nîngaaicaria, na irîa inyaganîtie nîngaaicokanîrîria vamwe. Irîa ikûthua nîngaaciova na mbîkîre vinya irîa itarî na vinya. Nwatî irîa noru na irî na vinya nîngaaicûkangia nîûndû nie ndîthagia na kîvooto.

Ezek 34:4

Mûtimenyagîrîra irîa itarî na vinya kana mûvonia irîa ndwaru. Mûtiovaga irîa ikûthua kana mûcokanîrîrie vamwe irîa inyaganîtie kana mûcaria irîa ciûrîte. Mûvûthagîra vinya gûciatha.

Mathaayo 8:22

Nwatî Jesû nî wamûcokerie atîrî, “Nûmîrîra na ûtige andû arîa akuû mathike akuû ao.”

Maariko 8:22

Rîrîa Jesû na arutwa ake maakinyire îtûûrarî rîa Bethisaida, andû amwe nîmaamûvirîre mûndû warî mûtumumu na makîmûthaitha amûvutie.

Luka 10:19

Rîu nie nînamûva ûvoti wa kûthiî mûgîkinyangaga ciîmvuva wana tûng'aurû, na ûvoti wa kûvoota maavinya monthe ma ngoma na gûtirî kîndû gîkaamwîka naaî.

Luka 15:23

Mûcoke mûthînje karegwa karîa kanoru viû nîguo tûkarîe tûkenete,

Luka 15:25

“Maûndû mama monthe magîkîka, mwanake wake ûrîa mûkûrû aarî mûgûndarî. Na rîrîa eenûkîte akinya vakuvî na mûciî nîwegwire andû makina makenete.

Luka 15:32

Nwatî nîkûragîrîrîte tûkûngûîre na tûkene nîûndû mûrwanyûkwe ûyû ararî mûkuû nwatî rîu nîmûriûku, na ararî mûru na rîu nî mwoneku.’ ”

Luka 15:4

“Mûndû ûmwe gatagatîrî kenyu angîthîrwa arî na ng'ondu îgana, na îmwe yacio yûre-î, angîcoka eke atîa? Na kinthî ndatigaga icio ciîngî mîrongo kenda na kenda kîthakarî, na agacoka akathiî gûcaria îo îngî yûrîte nginya rîrîa akaamîona.

Luka 19:10

Nîûndû Mûrû wa Mûndû aaûkire gûcaria na kûvonokia andû arîa maûrîte.”

Luka 9:60

Nake Jesû nîwamwîrire atîrî, “Tiga akuû mathike akuû ao. Thiî ûkanîrîre ndûmîrîri ya Ûthamaki wa Ngai.”

Johana 11:25

Jesû nîwamwîrire atîrî, “Nie nînie kûriûka na nînie mwoyo. Mûndû wa wonthe ûmbîtîkîtie wana akua nîagaatûûra mwoyo;

Johana 5:21

Na wata ûrîa Îthe ariûkagia akuû na akamava mwoyo, ûguo nwa ta guo Mûriû avecanaga mwoyo kûrî arîa onthe endaga kûva.

Aroma 11:15

Nîûndû rîrîa Ngai aaregire Ayahudi, andû acio engî a nthî nîmaatuîkire arata ake. Kwoguo rîrîa Ngai ageetîkîra Ayahudi, andû arîa makeethîrwa marî akuû nîmakaariûka.

Aroma 12:15

Kenagani na arîa marakena na mûrîrage na arîa mararîra.

Aroma 6:11

Na njîra wata îo, mwagîrîrwe nî kwîyona ta mûrî akuû ûvororî wa mevia na atî mûtûûraga kûrî Ngai mûrî kîndû kîmwe na Jesû Kristû.

Aroma 6:13

Mûtikanareke ciîga cienyu cia mwîrî ciîvie na ituîke indo cia gwîkaga naaî. Nwatî îîvecaneni kûrî Ngai ta andû mariûkîtue na mwîvecane kûrî ke nîguo mûtuîke ciîga cia gwîkaga maûndû ma ûthingu.

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

1Akor 12:26

Kîîga kîmwe Kîam mwîrî gîkathînîka, ciîga icio ciîngî cionthe nîithînîkaga vamwe nakîo. Nakîo kîîga kîmwe Kîam mwîrî gîkavewa gîtîîo ciîga icio ciîngî cionthe nîikenaga vamwe nakîo.

Aefeso 2:1

Mue mwarî akuû kîîroho nîûndû wa ûremi na mevia menyu.

Aefeso 2:5

Wana rîrîa twarî akuû kîîroho nîûndû wa ûremi wetû, nîwatûmire tûtûûre mwoyo vamwe na Kristû. Nî wega wa Ngai ûtûmîte mûvonoke.

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Akol 2:13

Vîndî îmwe mwarî akuû kîîroho nîûndû mwarî evia na mwarî andû a Ndûrîrî arîa matarî watho. Nwatî rîu Ngai nîarîkîtie kûmûva mwoyo vamwe na Kristû, na agatwovera mevia metû monthe.

1Tim 5:6

Nwatî mûndûmûka wa ndigwa ûrîa ûtûûraga ekenagia na maûndû marîa eriragîria, nî mûkuû wana ethîrwa onekaga arî mwoyo.

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.

Kûguû 3:1

“Andîka kûrî mûraika wa kanitha ûrîa ûrî Saridi atîrî: “Îno nîyo ndûmîrîri kuuma kûrî ûrîa wathaga maroho mûgwanja ma Ngai na ûrîa ûnyitîte njata mûgwanja. Nie nîmbîcî ciîko cienyu. Nîmbîcî mwonekaga takwa mûrî mwoyo, nwatî mûrî akuû.