Luka 15:18 - ÎVUKU RÎA ÛVORO MWARO

¹⁸ Nie nîmbûkîra, nthiî kûrî vava na nîmwîre atîrî: Vava, nie nîmvîtîrîtie Ngai na ngakûvîtîria.

Luka 15:18 ပူးပေါင်းရင်းမြစ်များ

2Maû 33:19

Mavoya ma mûthamaki Manase na ûrîa Ngai aamûcokerie, mevia make monthe na kûrega gûtuîka mwîvokeku, kûndû kûrîa aatumire gwa kûgoocerwa mîvuanano na Ashera, ngai ya mûndûmûka na mîvuanano, monthe nîmandîke rûganorî rwa Maûndû ma tene ma Arathi.

Thaburi 25:11

We Ngai-Mûnene, nîûndû wa rîîtwa rîaku, njovera mevia makwa nîûndû nî meengî mûno.

Nthi 23:13

Ndûkarege kûverithia mwana, ûngîmûriva na kîthanju ndangîkua.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Jeremia 3:19

Ngai-Mûnene arauga atîrî, “We Isiraeli, nîciragia ûrîa nîngîkwamûkîra ta mwana wakwa, na ngûve vûrûri mwaro, îgai rîaro gûkîra mavûrûri monthe ma nthî. Neciragia atî we nwa ûmbîte vava na ndûgatigana nanie rîngî.

Jeremia 31:20

“Efiraimu nî mûvîcîwa ûrîa mendete. Ke nî mwana wakwa ûrîa mendete mûno. Nîûndû wana rîrîa ngûmûnegenia nwa nîmûririkanaga. Kwoguo ngoro yakwa nîîmwîriragîria; nama nîngamwîguîra ntha. Ûguo nîguo nie Ngai-Mûnene nîrauga.

Maca 3:29

Agîrîrwe nî kwînyivia viû, nîûndû avota kûgîa na kîîrîgîrîro.

Maca 3:40

Tigani twîthime na tûtuîrie mîthiîre yetû, na tûcokerere Ngai-Mûnene.

Danieli 4:26

Navo varîa mûrangîri aathanire kîthukî na mîri itigwe na kûu nthî, nî kwonania atî, we nîûgaatuîka mûthamaki rîngî rîrîa ûkaamenya atî Ngai nîke wathanaga nthî yonthe.

Jona 2:4

Neciragia naarî mwîngate kuuma kûrî we, na ndikona hekarû yaku ntheru rîngî.

Jona 3:9

Ngai avota kwîricûkwa na atige kûrakara, na kwoguo tîtûkua!”

Mathaayo 3:6

Andû acio nîmaaumbûrire mevia mao, na Johana akîmavatithîria rûnjîrî rwa Jorodani.

Mathaayo 6:14

“Ethîrwa mue nîmwovagîra andû arîa mamûvîtagîria, Îthe wenyu ûrîa ûrî îgûrû wa nake akaamwovagîra.

Mathaayo 6:9

Kwoguo voyagani atîrî: ‘Vava wetû ûrî îgûrû, rîîtwa rîaku rîtheru rîrokumua.

Mathaayo 7:11

Ethîrwa mue mûnarî andû acûku, nîmûmenyaga kûva ciana cienyu indo irîa mbaro, na kinthî Îthe wenyu ûrîa wî îgûrû ndamenyaga mûno makîria kûvecana indo mbaro kûrî andû arîa mamûvoyaga!

Luka 11:2

Nake Jesû nîwamerire atîrî, “Vîndî îrîa mûkûvoya, ugagani atîrî, ‘Vava: Rîîtwa rîaku rîtheru rîrotîîwa; ûthamaki waku nî ûûke.

Luka 15:17

Na mûthiiarî, mwanake ûcio nîwakirire na agîîciria atîrî, ‘Andû onthe arîa marutaga wîra kwa vava marîcaga, makavaa na magatigaria, nwatî nie nîrakuîra gûkû nî yûra.

Luka 15:19

Na nie ndirî mwagîrîru wa gwîtwa mûvîcîguo. Ndua ta ûmwe wa aruti aku a wîra.’

Luka 15:21

Nake mwanake ûcio nîwerire îthe atîrî, ‘Vava, nie nîmvîtîrîtie Ngai na ngakûvîtîria. Nie ndirî mwagîrîru wa gwîtwa mûvîcîguo.’

Luka 18:13

“Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’