Luka 15:13 - ÎVUKU RÎA ÛVORO MWARO

¹³ Mîthenya mînini yavîtûka, mwanake ûcio warî mûnini nîwendirie îgai rîonthe rîake na akiuma kûu mûciî arî na mbeca. Nîwathiîre vûrûrirî ûmwe wa kûraca kûrîa anangire mbeca cionthe ciake na gwîka maûndû ma ûûra nthoni.

Luka 15:13 ပူးပေါင်းရင်းမြစ်များ

Thaburi 73:27

Arîa magûtiganagîria nama nîmakaathira; nîûgacûkangia arîa matarî evokeku.

Nthi 18:9

Mûndû ûrîa kîgûûta nwata ûrîa ûcûkangagia indo.

Nthi 21:17

Mûndû ûrîa wendaga ikeno agaatûûra arî mûthîni, na mûndû ûrîa wendaga kûnyua ndivei na kûrîa irio cia goro ndagaatonga.

Nthi 21:20

Mûciî wa mûndû mûûgî wîthagîrwa ûrî na indo cia goro, nwatî mûndû mûritu atûmagîra indo ciake naaî ikathira.

Nthi 27:8

Mûndû ûrîa ûtiganagîria mûciî wake, ekariî ta gîconi kîrîa kîûrûraga gîgatiganîria kîomba gîa kîo.

Nthi 28:7

Mwana ûrîa wathîkagîra watho ethagîrwa arî mûûgî, nwatî ûrîa ûtumaga ûrata na arîa akoroku nîaconorithagia îthe.

Nthi 29:3

Mûndû ûrîa wendete ûûgî nîatûmaga îthe akene, nwatî mûndû ûrîa ûnyitanagîra na maraa atûmagîra mbeca ciake na ûrimû.

Nthi 6:26

Mûmaraa nwa arîvwe na thogora wa thaani ya irio, nwatî kûtharia na mûndûmûka wene, gûtûmaga mûndû aûrwe nî indo ciake cionthe.

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Isaia 22:13

Vandû va ûguo, mwakenire na mûgîkûngûîra, nîmwathînjire ndegwa na ng'ondu, mûkîrîa nyama na mûkînyua ndivei. Nîmwaugire atîrî, “Tiga tûrîe na tûnyue, nîûndû rûyû nîtûgaakua.”

Isaia 30:11

Umani njîrarî na mûtige gûtûvîngîca, tûtikwenda kwîgua rîngî Ûrîa Mûtheru wa Isiraeli akîgwetwa.’ ”

Isaia 56:12

Meranaga atîrî, “Ûkani tûgacarie ndivei; tigani tûnyue njovi tûvae! Rûyû rûkaavana wata ûmûnthî, na rûyû ûkethîrwa ûrî mûthenya mûnene makîria!”

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Jeremia 2:5

Ngai-Mûnene arauga atîrî, “Methe menyu mamonire na mavîtia marîkû, nîguo magarûrûke na mandiganîrie, na makîrûmîrîra mîvuanano îtarî na vata, magîtuîka andû matarî na vata?

Mika 6:3

Ngai-Mûnene arauga atîrî, “Mue andû akwa, nî atîa nîmwîkîte? Nîmûnogetie na ndûî? Mbîrani!

Luka 15:12

Mwanake ûrîa warî mûnini nîwerire îthe atîrî, ‘Vava, nengera îgai rîakwa wa rîu.’ Kwoguo mûndû ûcio nîwagaîre anake acio ake aîrî indo ciake.

Luka 15:14

Na rîrîa avûthîre mbeca cionthe irîa aarî nacio, nîkwagîre na yûra rînene vûrûrirî ûcio nginya akîambîrîria kûthînîka.

Luka 15:30

Nwatî mûvîcîguo anangîte indo cionthe ciaku marî na maraa, na acoka mûciî wamûthînjîra karegwa karîa kanoru!’

Luka 16:1

Jesû nîwerire arutwa ake atîrî, “Vîndî îmwe kwarî na gîtonga Kîamrî na mûndû wa kûmenyerera indo ciakîo. Nakîo gîtonga nîkîerirwe atî mûndû ûcio nîwatûmagîra mbeca ciakîo naaî.

Luka 16:19

“Vîndî îmwe kwarî na mûndû warî mûtongu mûno na wekagîra nguo cia goro cia rangi ya njambarawe. Nake mûndû ûcio atûûraga na mîkarîre ya goro mûno mîthenya yonthe.

Aefeso 2:13

Nwatî rîu, nîûndû mûrî kîndû kîmwe na Jesû Kristû, mue arîa mwarî varaca na Ngai, nîmûretaretetwe vakuvî nake na njîra ya nthakame ya Kristû.

Aefeso 2:17

Kwoguo Kristû nîwaûkire na akîvunjia Ûvoro Mwaro wa thayû kûrî mue andû a Ndûrîrî arîa mwarî kûraca na Ngai na kûrî Ayahudi arîa maarî vakuvî nake.

2Pet 2:13

Kwoguo nîmakaathînua nîûndû nîmatûmîte andû eengî mathînîke. Ûndû ûrîa ûmakenagia nî gwîka maûndû marîa makenagia mîîrî yao mûthenya cararûkû. Nîmatûmaga mûconoke na mûcambe rîrîa maûka marugarî menyu. Vîndî îo yonthe mûrî nao methagîrwa magîkenera mîtugo yao mîcûku.