Luka 14:27 - ÎVUKU RÎA ÛVORO MWARO

²⁷ Mûndû wa wonthe ûtakuuaga mûtharava wake na akanûmîrîra, ndangîtuîka mûrutwa wakwa.

Luka 14:27 ပူးပေါင်းရင်းမြစ်များ

Mathaayo 10:38

Na mûndû wa wonthe ûtakuuaga mûtharava wake na akanûmîrîra, tî mwagîrîru wa gûtuîka mûrutwa wakwa.

Mathaayo 13:21

nwatî matiîthagîrwa marî na mîri na nîmamîamûkagîra kwa îvinda înini. Nao mambîrîria kûthînua na kûnyamarua nîûndû wa ndûmîrîri îo, nîmamîtiganagîria wa rîmwe.

Maariko 10:21

Nake Jesû aroria mûndû ûcio nîwegwire amwenda na akîmwîra atîrî, “Kûrî na ûndû ûmwe ûtigarîtie gwîka. Thiî wendie indo ciaku cionthe, ûve athîni mbeca icio na ûcoke ûnûmîrîre, nawe nî ûkwîigîra ûtonga mwîngî îgûrû.”

Maariko 15:21

Na marî njîrarî, nîmaatûnganire na mûndû wetagwa Simoni aumîte ya mîgûndarî na makîmûringîrîria akuuîre Jesû mûtharava. (Simoni aarî wa kuuma Kurene na aarî îthe wa Alekisanda na Rufasi.)

Luka 14:28

“Mûndû ûmwe gatagatîrî kenyu angîthîrwa nîaravanga gûtuma nyomba, mbere ambaga agekara nthî na agatara matûmîri nîguo avote kûmenya kana arî na mbeca mbîganu cia kûmîrîkia.

Johana 19:17

Nake nîwathiîre ekuuîrîte mûtharava nginya magîkinya nja ya îtûûra rîu vandû vetagwa “Vandû va Îvîndî rîa Kîongo.” (Na Kîhibirania vetagwa “Gologotha”.)

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

2Tim 3:12

Mûndû wa wonthe wendaga gûtûûra arî mûrûmîrîri wa Jesû Kristû nwa nginya anyamarue.