Luka 14:26 - ÎVUKU RÎA ÛVORO MWARO

²⁶ “Mûndû wa wonthe ûkaga kûrî nie na nwa ende gûtuîka mûrutwa wakwa nwa nginya amende makîria ya ûrîa endete îthe na ng'ina, mûka na ciana, aa mûrwang'ina na aa mwarwang'ina, na amende makîria ya ûrîa eyendete ke mwene.

Luka 14:26 ပူးပေါင်းရင်းမြစ်များ

Thaburi 139:22

Nie nîmamenete mûno, nîûndû nthû ciaku nî nthû ciakwa.

Ndari 10:30

Hobabu nîwacokirie atîrî, “Naarî nie tîmbûka, nîkwa ngûcoka vûrûrirî wetû na kûrî andû etû.”

Mathaayo 10:37

“Mûndû ûrîa wendete îthe kana ng'ina kûngîra tîmwagîrîru wa gûtuîka mûrutwa wakwa; na mûndû ûrîa wendete mûvîcî kana mwarî kûngîra tî mwagîrîru wa gûtuîka mûrutwa wakwa.

Luka 14:20

Mûndû wîngî nîwerire ndungata îo atîrî, ‘Thiî ûkeere mûnene waku angirîrîrie nîûndû nie nîravikanirie na kwoguo tîmvota kûthiî.’

Luka 14:25

Vîndî îmwe andû eengî maathiîcanîtie na Jesû. Nake nîwavûgûkire na akîmera atîrî,

Johana 12:25

Mûndû wa wonthe wendete mwoyo wake nîakaaûrwa nîguo, nwatî mûndû wa wonthe ûmenete mwoyo wake arî gûkû nthî nîagaûtûûria tene na tene.

Ciîko 20:24

Nwatî ndionaga mwoyo wakwa ûrî na vata wana vanini. Ûndû ûrîa ûrî na vata nî kûrîkia wîra na gûkinyîra mûthiia wa ûtungati ûrîa Mwathani Jesû aamveere ndute, naguo nî kûvecana Ûvoro Mwaro wîgiî wega wa Ngai.

Aroma 9:13

Wata ûrîa kwandîkîtwe Mandîkorî Matheru atîrî, “Nînendire Jakovu na ngîthûra Esaû.”

Gûco 21:15

“Mûndûmûrûme nwa ethîrwe arî na aka aîrî, na ethîrwe endete ûmwe makîria ya ûrîa wîngî. Aka acio wa oîrî nwa mamûciarîre tûvîcî, nwatî kaana ka îrikithathi kethîrwe nî ka mûndûmûka ûrîa amenete.

Gûco 33:9

Alawi nîmaatwire matiganîrie aciari ao, makîriganîrwa nî aa mûrwang'ina na aa mwarwang'ina, na magîtiganîria ciana ciao. Nîmaavingirie maathani maku, na makîrûmîrîra kîrîkanîro gîaku.

Afil 3:8

Nîma monaga maûndû monthe marî ma mana nîûndû wa kûgîa na ûndû ûrîa ûrî na umithio mûnene. Ûndû ûcio nî ûvoro wa kûmenya Jesû Kristû Mwathani wakwa. Nîûndû wake nîndiganîrîtie indo cionthe na ngaitua ta macaki ma gûtewa nîguo ngîe na Kristû arî umithio na

Kûguû 12:11

Ariû na aarî a îthe wetû nî maavootire Ngoma na nthakame ya Gatûrûme na njîra ya ndûmîrîri îrîa maavunjirie. O matietigagîra gûkua, nîmeevarîrîtie kûvecana mîoyo yao.