Luka 13:4 - ÎVUKU RÎA ÛVORO MWARO

⁴ Î nao andû arîa îkûmi na anana maakwire vîndî îrîa maagwîrîrwe nî nyomba îrîa yarî ndaca mûno îtûûrarî rîa Siloamu; nîkwa mwîciragia ûguo kwonanirie atî maarî evia gûkîra andû arîa engî onthe maatûûraga îtûûrarî rîa Jerusalemu?

Luka 13:4 ပူးပေါင်းရင်းမြစ်များ

1Atha 20:30

Arîa maatigarire nîmaaûrire makîthiî îtûûrarî rîa Afeku. Nacio nthingo cia îtûûra rîu nîciomomokire na ikîûraga andû ngiri mîrongo îîrî na mûgwanja (27,000) ao. Benihadadi wanake nîwaûrîre îtûûrarî na akîîthitha nyombarî îmwe ya ndaarî kûu îtûûrarî.

Nehemia 3:15

Shalumu mûvîcî wa Kolihoze, ûrîa wathaga vûrûri wa Mizipa nîwatumire rîngî kîvingo gîa kîthima Kîam manjî. Nîwaimbire kîvingo kîu, na agîgîtumîra mûrango na agîkîra irenji na mîkîgo ya kûûvinga. Nîwatumire rûthingo vakuvî na karia ga Shela rûriganîtie na mûgûnda wa mûthamaki. Rûthingo rûu aatumire rwakinyîte ngathîrî îrîa înyûrûrûkaga kuuma îtûûrarî rîrîa rînene rîa Daudi.

Ayubu 1:19

Na wa rîmwe rûkûngi rûnene rumîte ya werûrî nî rûkire na rwaringa nyomba na yomomokera ciana ciaku cionthe ikînakua. Nînie nienga ndigarire nîguo mbûke ngûmenyithie maûndû mama.”

Isaia 8:6

“Andû aya nîmarega manjî ma karûnjî ga Shiloa marîa metîkaga kavora na megua guoya nîûndû wa mûthamaki Rezini na mûthamaki Peka, mûvîcî wa Remalia.

Mathaayo 18:24

Na vîndî îrîa aambîrîrie gûtuîria indo ciake, nîwavirîrwe ndungata îmwe yarî na thirî wake wa mbeca milioni îmwe.

Mathaayo 6:12

Twovere mevia marîa twîkîte, wata ûrîa twovagîra arîa matûvîtîrîtie.

Luka 11:4

na ûtwovagîre mevia metû, nîûndû wa natue nîtwovagîra andû onthe arîa matûvîtagîria. Na ndûgatûvire mageriorî.’ ”

Luka 13:3

Naarî, ûguo tîguo kwarî! Nîramwîra na ma atî mwarega kwîrira mevia menyu, nîmûkua muonthe wata ûrîa andû acio maakwire.

Luka 13:5

Naarî, ûguo tîguo kwarî! Nîramwîra na ma atî mwarega kwîrira mevia menyu, nîmûkua muonthe wata o.”

Johana 9:11

Nake nîwamacokerie atîrî, “Mûndû ûrîa wîtagwa Jesû, athondekire ndaka, amvaka metho na ambîra nthiî ngethambie metho îriarî rîa Siloamu. Kwoguo nînthiîre na nethambia nîmvotire kwona.”

Johana 9:7

na akîmwîra atîrî, “Thiî ûkethambie metho îriarî rîa Siloamu.” (Siloamu nî kuga “Ûrîa mûtûme.”) Kwoguo mûndû ûcio nîwathiîre akîîthambia na agîcoka akîonaga.

Ciîko 28:4

Rîrîa andû arîa maatûûraga kuo moonire njoka îo îîrigicîrîtie njararî ya Paûlo, nîmeeranire atîrî, “Nwanginya mûndû ûyû ethîrwe nî mûûragani. Wana ethîrwa ndanakuîra îriarî, ûma ndûngîmwîtîkîria atûûra mwoyo.”