Luka 13:34 - ÎVUKU RÎA ÛVORO MWARO

³⁴ “Jerusalemu, Jerusalemu! Atî wa rîrîa rîonthe Ngai agûtûmîra arathi nîkwa ûmaûragaga! Nî maita megana nanenda gûcokanîrîria andû aku vamwe wata ûrîa ngûkû îcokanagîrîria tûciiû rungu rwa mathagu mayo, nwatî ndûmbîtîkagîria!

Luka 13:34 ပူးပေါင်းရင်းမြစ်များ

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Nehemia 9:30

Îvinda rîa mîaka mîngî nîwamakirîrîrie, na nîwavere arathi Roho waku nîguo makaanie andû acio. Nwatî matiakûthikîrîria. Kwoguo nîwamarekererie kûrî andû a ndûrîrî ciîngî.

Thaburi 149:2

Isiraeli, kenerera Mûkûmbi, Andû a Zayuni canjamûkani nîûndû wa Mûthamaki wenyu.

Thaburi 17:8

Ngitîra ta ndongu ya riitho, ûnthithe rungu rwa mathagu maku,

Thaburi 36:7

We Ngai, kaî wendo waku ûtathiraga nî mwaro-î! Andû methithaga kîrururî Kîam mathagu maku.

Thaburi 57:1

Mbîguîra ntha, we Ngai, mbîguîra ntha, nîûndû mbûkaga kûrî we nîguo ûngitîre. Ngitagîrwa nî kîruru Kîam mathagu maku, nginya rîrîa kîvuvûkanio Kîam mathîna gîkaathira.

Thaburi 81:13

Naarî kethîrwa andû akwa nîmaanthikîrîrie; naarî kethîrwa Isiraeli nîmaambathîkîre!

Thaburi 91:4

Ngai nîagaagûkunîkîra na mathagu make; na ûkethagîrwa ûrî mûgitîre ûrî varî ke; wîvokeku wake ûgaakûgitagîra na ûgakûrûîrîra.

Isaia 30:15

Nîûndû Ngai-Mûnene, Ngai Ûrîa Mûtheru wa Isiraeli arauga atîrî, “Mûngînjokerera na mûkirîrîrie, nîmûkaavonoka; mwakirîrîria na mwanîîvoka mûkaagîcaga na vinya.” Nwatî mue nîmwaregire gwîtîkîra.

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Jeremia 2:30

Narutire wîra wa mana kûverithia ciana cienyu, itietîkîra kûrûngwa; ta ûrîa mûnyambû ûûragaga kîndû, nwa ta guo mwaûragire arathi enyu.

Jeremia 26:23

Nao nîmaamûnyitire, makîmûcokia kûrî mûthamaki Jehoiakimu. Nake mûthamaki nîwamûragire na rûviû na agikia kimba gîake mbîrîrarî kûrîa kûthikagwa andû onthe.

Jeremia 35:14

Maûndû marîa Jonadabu mûvîcî wa Rekabu aathire ciana ciake, atî matikanyue ndivei, nîmaamarûmîrîre, na nginya ûmûnthî matiananyua ndivei nîûndû nîmathîkîrîte watho wa îthe wao. Nwatî mbîthîrîtwe ngîaria namue mavinda kwa mavinda na mûtimbîgucaga.

Jeremia 35:17

Kwoguo nie Ngai-Mûnene Mwene vinya wonthe Ngai wa Isiraeli nîrauga atî, nîngûretera andû a Juda na andû onthe a Jerusalemu maûndû monthe macûku marîa naririe îgûrû rîao, nîûndû nîmbarîtie nao na nîmaregete kûnthikîrîria; nînametire, nao matiambîtîka.”

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Maca 1:16

“Nîûndû wa maûndû mau nînîrarîra, metho makwa magetûrûra methori. Gûtirî mûndû wanarî ûmwe ûngîmvoreria; gûtirî mûndû ûngînyûmîrîria, ciana ciakwa itigîtwe itarî kîndû, nîûndû nîrîmûvoote nî nthû yakwa.

Maca 4:13

Maûndû mau mekîkire nîûndû wa mevia ma arathi, na mavîtia ma athînjîri-Ngai, arîa maûragîre andû arîa athingu îtûûrarî rîake.

Hosea 11:2

Wa ûrîa nathiî na mbere kûmeta, nwa guo maathiîcaga varaca nanie. Nîmaathiîre na mbere kûrutîra ngai cia Baali magongoona, na kûvîvîria mîvuanano ûbani.

Hosea 11:7

Andû akwa nîmatuîte mandiganîrie, mambîtaga Ûrîa Ûrî Îgûrû Mûno nwatî matindîîaga nama.

Joeli 2:23

“Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Zakaria 1:4

Mûtigekare ta methe menyu ma tene arîa meerirwe nî arathi arîa maarî kuo mbere matigane na mîthiîre yao mîcûku na ciîko ciao njûku, nwatî matianthikîrîria kana mambathîkîra nie Ngai-Mûnene mwene vinya wonthe.

Mathaayo 22:3

Mûthamaki ûcio nîwatûmire ndungata ciake ithiî îgeete andû arîa meetîtwe kîrugorî. Nwatî andû acio nîmaaregire kûthiî.

Mathaayo 22:6

Andû acio engî nao maanyitire ndungata icio, magîciîka maûndû ma ûûra nthoni na magîciûraga.

Luka 15:28

“Mwanake ûcio mûkûrû nîwarakarire mûno na akîrega gûtonya nyomba. Kwoguo îthe nîwaumire nja na akîambîrîria kûmûthaitha atonye nyomba.

Luka 19:44

Nîikaamûcûkangia wa vamwe na ciana cienyu na gûtirî îthiga wana rîmwe magaatiga rîrî îgûrû rîa rîngî, nîûndû mûtiamenya kavinda karîa Nga aaûkîte kûmûvonokia!”

Luka 23:28

Nwatî Jesû nîwevûgûrire na kûrîa maarî na akîmeera atîrî, “Mue aka aya a Jerusalemu tigani kûndîrîra, îîrîrîreni mue ene na mûrîrîre ciana cienyu.

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

Ciîko 7:59

Na rîrîa maarivaga Stefano na mathiga, Stefano nîwavoire akiuga atîrî, “Mwathani Jesû amûkîra roho wakwa!”

Ciîko 8:1

Saûlo nîwetîkîre atî kûûragwa kwa Stefano nîkwagîrîrîte. Mûthenya wa ûcio kanitha nîyambîrîrie kûnyarirwa mûno kûu Jerusalemu. Nao etîkia onthe, tiga atûmwa, nîmaanyagarûkire mavûrûrirî ma Judea na Samaria kuonthe.

Gûco 32:29

Kethîrwa maarî na ûûgî nîmaangîamenyire kîrîa gîatûmire mavootwe, nîmangîamenyire ûrîa makaarîkîrîria.

Gûco 5:29

Naarî kethîrwa mageciragia ûguo vîndî cionthe, mandîîage na mathîkagîre maathani makwa! Mangîka ûguo, maûndû mao monthe na ma njiarwa ciao makethagîrwa marî maro tene na tene.

Kûguû 11:8

Nacio ciimba ciao nîikaamama njîrarî ya îtûûra rîrîa rînene kûrîa Mwathani wao ambîîrwe. Na rîo rîîtwa rîa ngerekano rîa îtûûra rîu nî Sodomu, kana Misiri.

Ruthu 2:12

Ngai-Mûnene arokûva kîveo nîûndû wa maûndû mau wîkîte. Ngai-Mûnene, Ngai wa Isiraeli ûrîa ûkîte kûrî ke nîguo akûgitîre arokûva kîveo kîrîa Kîamgîrîrîte!”