Luka 13:15 - ÎVUKU RÎA ÛVORO MWARO

¹⁵ Nake Mwathani nîwamûcokerie atîrî, “Mue mvinga ino! Kûrî mûndû wana ûmwe gatagatîrî kenyu ûtathaûraga ng'ombe kana mvunda yake nîguo amîvire îthiî îkanyue manjî mûthenya wa thavatû?

Luka 13:15 ပူးပေါင်းရင်းမြစ်များ

Ayubu 34:30

wana ethîrwa nî vûrûri kana nî mûndû; ekaga guo nîguo mûndû mwaganu ndakathane.

Nthi 11:9

Mûndû ûrîa ûtetigagîra Ngai acûkangagia andû arîa engî na mîario yake, nwatî mûndû mûthingu avonokagua nî ûûgî wake.

Isaia 29:20

Andû arîa matarî ntha nîmagaacûkangua, na arîa mathekanagîrîra mathirue. Nao arîa onthe meciragia gwîka maûndû ma waganu nîmakaathirua.

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

Mathaayo 15:7

Mue mvinga ino! Na kaî mûrathi Isaia nîwamenyaga rîrîa aarathire ûvoro ûmwîgiî-î!

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Mathaayo 23:28

Ûguo nwa ta guo wa namue mwonekaga mûrî aro nî andû onthe, nwatî na kûu ndaarî mwîcûrîtwe nî ûvinga na mevia.

Mathaayo 7:5

We mvinga îno! Amba ûrute gîting'û kîrîa kîrî rithorî rîaku we mwene na nîûkûvota kwona waro ûkîruta kîvuti kîrîa kîrî rithorî rîa mûrwanyûkwe.

Luka 12:1

Vîndî wa îo, rîrîa andû ngiri nyîngî maagomanîte nginya makambîrîria gûkinyangana magûrû, Jesû nîwambire kwarîria arutwa ake akîmeera atîrî, “Îîmenyagîrîreni kuumana na ûvinga wa Afarisai ûrîa wîkariî ta ndawa ya kwimbia mîgate.

Luka 14:5

Nake Jesû nîwacokire akîmaûria atîrî, “Mûndû ûmwe gatagatîrî kenyu angîthîrwa na mûvîcî ûvarûkîte kîthimarî mûthenya wa thavatû, wana kana ng'ombe, na kinthî ndangîiruta wa rîmwe mûthenya ûcio wa thavatû?”

Luka 6:42

Ûngîvota kwîra mûrûanyûkwe atî nîûkûmûruta kîvuti kîrîa kîrî riithorî rîake atîa, wa rîrîa we ûtangîvota kwona gîting'û kîrîa kîrî riithorî rîaku? We mvinga îno! Amba ûrute gîting'û kîrîa kîrî riithorî rîaku, nîguo ûvote kwona waro ûkîruta kîvuti kîrîa kîrî riithorî rîa mûrûanyûkwe!

Luka 7:13

Vîndî îrîa Mwathani oonire mûndûmûka ûcio, nîwamwîguîrîre ntha na akîmwîra atîrî, “Tiga kûrîra.”

Luka 7:19

na akîmatûma mathiî kûrî Mwathani makamûûrie atîrî, “We nîwe ûrîa Johana aaugire nîûgûka kana nîkwa tûgweterera wîngî?”