Luka 12:48 - ÎVUKU RÎA ÛVORO MWARO

⁴⁸ Nwatî ndungata îrîa îtaicî ûrîa mwathi wayo endaga na îkaga ûndû ûrîa ûngîtûma îverithue, nîkaavewa îvera rîa kûrivwa vanini na kîvoko. Mûndû ûrîa wîvoketwe na indo nyîngî nîageetua indo nyîngî; na ûrîa nake wîvoketwe na nyîngî makîria, nîageetua nyîngî makîria.

Luka 12:48 ပူးပေါင်းရင်းမြစ်များ

Alawi 5:17

“Ethîrwa mûndû wa wonthe nwa evie atakwenda na njîra ya kuna rîmwe rîa maathani ma Ngai-Mûnene, mûndû ûcio arî na mavîtia na nwanginya akaaverithua.

Ndari 15:27

“Ethîrwa mûndû ûmwe nî akeevia atakûmenya, mûndû ûcio nîakaaruta mvarika îmwe ya ûkûrû wa mwaka ûmwe îrî îtega rîa kûtheria mevia.

Mathaayo 13:12

Nîûndû mûndû ûrîa wîna kîndû nîakoongererwa na ciîngîve mûno makîria; nwatî mûndû ûrîa ûtarî na kîndû, nîagaacunwa wana kîndû kîrîa kînini arî nakîo.

Mathaayo 23:14

Na kaî mue arimû a Watho na Afarisai mûrî na thîna-î! Mvinga ino! Mue mûveenagîrîria aka a ndigwa na mûkamacuna indo ciao cionthe, na mûgacoka mûkavoya mavoya maraca nîguo mwonwe nî andû. Nîûndû wa ûguo, mue nîmûgaatuîrwa îvera rînene.]

Luka 12:41

Petero nîwaûririe Jesû atîrî, “Mwathani, ûravecana ngerekano îno nîûndû wetû kana nîûndû wa andû onthe?”

Luka 12:49

“Nie mbûkîte kûrete mwaki gûkû nthî; naarî kethîrwa nîmwambîrîriu gwakana!

Luka 16:2

Kwoguo nîkîamwîtire na gîkîmûûria atîrî, ‘Ûvoro ûcio nîregua ûkwîgiî, nî ûrîkû? Mandîkîra mûtaratara mwaro wa kûmonia wîra ûrîa ûrutîte ta mûmenyereri wa indo ciakwa, nîûndû we ndûgûcoka kûmenyerera indo ciakwa rîngî.’

Johana 15:22

Angîthîrwa ndiamava ndûmîrîri yakwa, matingîatuirwe evia. Nwatî rîu matirî na kîîgwatio atî matirî na mevia.

Ciîko 17:30

Ngai nîatuîte atî ke ndagûtara mavinda marîa andû mataamwicî. Nwatî rîu ke nîwathaga andû onthe arîa marî kûndû kuonthe merire,

Gûco 25:2

mûndû ûcio wîvîtie angîgaatuîrwa arivwe, mûtwithania ciira nîakaamwîra amame na îvu na arivwe ivoko. Mwîgana wa ivoko ûkethîrwa ûringanîte na wîvia ûrîa ekîte.

1Tim 1:11

Maûndû mama mathomithanîtue marî Ûvororî Mwaro ûrîa naveerwe mvunjie. Ûvoro ûcio umaga kûrî Ngai ûrîa ûrî riiri na mûrathime.

1Tim 1:13

wana gwatuîka mavinda marîa mavîtûku nînarumire Kristû, ngîmûnyarira na ngîmwîra maûndû meengî ma kûmûrakaria. Nwatî Ngai nîwambîguîrîre ntha nîûndû ndiarî na wîtîkio, kwoguo ndiamenyaga ûrîa nekaga.

1Tim 6:20

Timotheo, menyerera kîndû kîrîa Ngai akwîvokerete. Ndûkathikagîrîrie mîario îtarî na ûngai na ngarari cia ûrimû irîa andû amwe maugaga atî nî ûmenyo na tîguo.

Tito 1:3

Ngai mûvonokia wetû nîwatûmire ûvoro ûyû ûmenyeke kavinda karîa kagîrîrîte na nîguo nîîvokeretwe na ngavewa watho wa kûûvunjia.

Jakuvu 3:1

Ariû na aarî a îthe, tî eengî gatagatîrî kenyu magîrîrwe nîgûtuîka arimû, nîûndû nîmwîcî atî arîa tûthomithagia nîtûgaatuîrwa na vinya makîria ya arîa engî.