Luka 12:37 - ÎVUKU RÎA ÛVORO MWARO

³⁷ Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Luka 12:37 ပူးပေါင်းရင်းမြစ်များ

Isaia 62:5

Nîûndû wata ûrîa mwanake avikagia mwîrîtu nthingi, nwaguo ûrîa wakûmbire agaakûvikia. Na wata ûrîa mûvikania akenagîra mûviki wake, nwaguo Ngai waku agaakena nîwe.

Jeremia 32:41

Nîngakena ngîmeka maûndû maro, na ndûme mekindîrie vûrûrirî ûyû.”

Zefania 3:17

Ngai-Mûnene Ngai wenyu arî gatagatîrî kenyu, vinya wake nîûvecanaga ûvootani; ke nîagaagûkenerera na gîkeno kînene, ke nîagaakûva ûtûûro mûcerû na kwenda gwake, nîagaakwambararia akinaga augîrîrîtie mûno,

Mathaayo 24:42

“Kwoguo îîmenyagîrîreni nîûndû mûtiîcî mûthenya ûrîa Mwathani agaaûka.

Luka 12:36

Tuîkani ta ndungata irîa cietererete mwathi wacio akiuma kîrugorî Kîam ûviki. Ciîkaraga ciîvarîrîtie nîguo vîndî wa yonthe îrîa angîûka na aringaringa mûrango, nwa imûrugûrîre wa rîmwe.

Luka 12:43

Kûrathimwa nî ndungata îrîa îthagîrîrua nî mwathi wayo îgîka ûguo!

Luka 17:8

Na ma ndangîmîra ûguo! Vandû va ûguo nwa amîrire atîrî, ‘Mvarîrîria irio cia kîvwaî na weterere ndîe na nyue. Navaa nîrîo ûkaarîa na ûnyue.’

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Luka 22:27

Nî mûndû ûrîkû wîthagîrwa arî mûnene viû; nî ûrîa wîkaraga metharî nîguo avirîrwe irio kana nî ûrîa ûviranagîra irio metharî? Na kinthî tî mûndû ûrîa wîkaraga metharî nîguo avirîrwe irio? Nwatî nie nîrî gatagatîrî kenyu mbîkariî ta ndungata yenyu.

Johana 12:26

Mûndû wa wonthe ûndungatagîra nwa nginya anûmîrîre nîguo varîa nîrî ndungata yakwa îthagîrwe nîvo îrî wa nayo. Nake Vava agaatîîaga mûndû wa wonthe ûrîa ûndungatagîra.

1Akor 2:9

Nwatî mandîkorî matheru kwandîkîtwe atîrî, “Ûndû ûrîa gûtarî mûndû wana ûmwe wanawona kana awîgue, ûrîa gûtarî mûndû wana ûmwe waneciria atî nwa wîkîke, ûndû ûcio nîguo Ngai aavarîrie nîûndû wa arîa mamwendete.”

Afil 1:21

Nîûndû nie vakwa, ndûûraga nîguo ndungatîre Kristû na gûkua nî umithio.

Afil 1:23

Maûndû mau maîrî nîmarangucanîria. Nînîrerirîria mûno gûkua, nîguo ngatûûranie na Kristû nîûndû ûguo nîguo waro mûno.

2Pet 1:11

Na njîra îno nîmûkaamûkîrwa na ûtaana ûthamakirî wa tene na tene, wa Mwathani na Mûvonokia wetû Jesû Kristû.

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.

Kûguû 14:13

Ngîcoka ngîgua mûgambo kuuma îgûrû ûkiuga, “Andîka atîrî: Kûrathimwa nî arîa kuuma rîu magaakucaga marî wîrarî wa Mwathani!” Nake Roho mûtheru arauga atîrî, “Na ma o nîarathime, nîguo manogoke kuuma kûrî mawîra marito, nîûndû ciîko ciao nîimaumaga vuva.”

Kûguû 16:15

“Tathikîrîriani! Nie nîmbûka ta mwîi! Kûrathimwa nî mûndû ûrîa wîkaraga atarî toro, na avarîrîtie nguo ciake, nîguo ndakathiîcage arî njaga na aconoke nî andû!”

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.

Kûguû 7:17

nîûndû Gatûrûme, karîa karî vau gatagatî ka gîtî Kîam ûthamaki nîgagaatuîka mûrîthi wao. Nake nîakaamatongoria amavire ithimarî cia manjî marîa mavecanaga mwoyo. Nake Ngai nîakagiria methori monthe kuuma methorî mao.”