Luka 12:35 - ÎVUKU RÎA ÛVORO MWARO

³⁵ “Îkaragani mwîvarîrîtie vingo cionthe na mwîna taa cienyu igîakanaga.

Luka 12:35 ပူးပေါင်းရင်းမြစ်များ

1Atha 18:46

Vinya wa Ngai-Mûnene nîwatoonyire kûrî Elija; nîwacinîkîre nguo yake ndaca kîûnûrî na akîvinyûra mbere ya Ahabu nginya kîvingorî Kîam Jezireeli.

Nthi 31:17

Evaragîria kûruta wîra wake na vinya, na akaûruta na kîîo.

Isaia 11:5

Ke akaathanaga na ûthingu na wîvokeku.

Isaia 5:27

Gûtirî wanarî mûndû ûkaanoga kana avîngwa; gûtirî ûkaagocerera kana amame, gûtirî mûndû ûkethîrwa na mûcivi mûregerû kîûnûrî; na gûtirî ûkethîrwa na rûrigi rwa kîratû rûtuîku.

Mathaayo 25:1

“Vîndî îo Ûthamaki wa îgûrû ûkaagerekanua na erîtu îkûmi arîa moocire mataa mao nîguo magatûnge mûvikania.

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Luka 12:36

Tuîkani ta ndungata irîa cietererete mwathi wacio akiuma kîrugorî Kîam ûviki. Ciîkaraga ciîvarîrîtie nîguo vîndî wa yonthe îrîa angîûka na aringaringa mûrango, nwa imûrugûrîre wa rîmwe.

Aefeso 6:14

Kwoguo îkaragani mwîkindîrîtie na mwîvotorete ûma ta arî guo mûcivi ûrîa mwîyovaga kîûnûrî, naguo ûthingu ta arî yo ngo yenyu ya kûgitîra kîthûri,

Afil 2:15

Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

1Pet 1:13

Kwoguo îcirieni waro îgûrû rîa ûrîa mûgeere gwîka. Îkaragani mwîîguîte na mwigîte mwîrîgîrîro wenyu wonthe kûrî kîveo Kîam Wega wa Ngai. Mûkaavewa kîveo kîu rîrîa Jesû Kristû akaaguûrua.