Luka 12:17 - ÎVUKU RÎA ÛVORO MWARO

¹⁷ Nake nîwambîrîrie kwîyûria na ngoro atîrî, ‘Angwa rîu nie nîmbîka atîa, nîûndû ndirî na îkûmbî nîngîkethera irio ino cionthe?’

Luka 12:17 ပူးပေါင်းရင်းမြစ်များ

Mûvunjia 11:2

Onjorithia mbeca ciaku na njîra nyîngî, nîûndû ndwîcî ûrîa gûgekara.

Isaia 58:7

Nî kûgaana irio cienyu na arîa avûtu na kwamûkîra athîni arîa maûrûraga mîciîrî yenyu. Mwona mûndû arî njaga, mûkamûva nguo na mûtikarege gûtethereria andû enyu.

Mathaayo 16:7

Nao arutwa nîmaarîrîrie ûvoro ûcio makiugaga atîrî, “Arauga ûguo nîûndû tûtinakua mîgate.”

Mathaayo 5:42

Ethîrwa mûndû nwa akûvoe kîndû mûve, na ethîrwa nwa agûkove kîndû mûkovithie.

Luka 10:25

Vîndî îmwe mwarimû ûmwe wa watho nîwarûngamire akîenda kûgeria Jesû na akîmûria atîrî, “Mwarimû, nie nîngîka atîa nîguo ngaagaîrwa mwoyo wa tene na tene?”

Luka 11:41

Vandû va gwîka ûguo, vecagani athîni ûtethio na indo cionthe cienyu nî igûtuîka ntheru.

Luka 12:16

Nake nîwacokire akîra kîrîndî ngerekano îno: “Vîndî îmwe kwarî na mûndû gîtonga warî na mûgûnda warî na kîmera Kîamro.

Luka 12:18

Mûndû ûcio nîwacokire akîîra atîrî, ‘Nie nîntharia makûmbî makwa na njoke ndume mengî manenanene kûrîa ngwiga irio cionthe ciakwa wa vamwe na indo irîa ciîngî ciakwa.

Luka 12:22

Jesû nîwacokire akîra arutwa ake atîrî, “Nie nîramwîra atî mûtikamakue nî ûvoro wîgiî irio irîa mûvatarîte kûrîa nîguo mûtûûre, wa na kana nguo irîa mûvatarîte gwîkîra mîîrîrî yenyu.

Luka 12:29

“Kwoguo mûtigatangîke mûkîûria kîrîa mûkaarîa na mûkaanyua.

Luka 12:33

Endiani indo cionthe cienyu na mûcoke mûve athîni mbeca icio. Îîthondekereni tûveeti twa mbeca tûrîa tûtangîthira. Îigîreni mûthithû wenyu îgûrû kwa Ngai, kûrîa ûtangînyiva nîûndû gûtirî mwîi ûngîûkinyîra wana kana mûthûa ûngîûcûkia.

Luka 16:3

Nayo ndungata îo nîyeîrire na ngoro atîrî, ‘Nie rîu nîmbîka atîa, nîûndû gîtonga gîakwa nîgîkûmvuta? Nie ndirî na vinya mbîganu ya kûvota gûcimba na nwa njonoke mûno ngîvoya ûtethio.

Luka 16:9

Jesû nîwathiîre na mbere kwaria na akiuga atîrî, “Tûmîrani ûtonga wa gûkû nthî mûkîthondeka arata, nîguo rîrîa ûtonga wenyu ûkaathira, Ngai akamûgwata ûgeni mûciîrî wa tene na tene.

Luka 18:22

Rîrîa Jesû eegwire ûguo nîwerire mûndû ûcio atîrî, “Varî na ûndû ûmwe tu ûtigarîtie. Thiî ûkendie indo cionthe ciaku na ûve athîni mbeca icio, nawe nîûkwîigîra mûthithû îgûrû kwa Ngai, na ûcoke ûnûmîrîre.”

Luka 19:17

Nake mûnene ûcio nîwamwîrire atîrî, ‘Nîwaro ndungata yakwa mbaro! We ûrî mwîvokeku na kaûndû kanini, rîu ûkaathanaga matûûrarî îkûmi.’

Luka 3:11

Nake Johana nîwamacokerie atîrî, “Mûndû wonthe ûrî na cati igîrî nwa nginya ave ûrîa ûtarî, na mûndû wa wonthe ûrî na irio nwa nginya agaîre ûrîa ûtarî.”

Ciîko 16:30

Nake nîwamarutire nja na akîmaûria atîrî, “Athuuri aya, nie mbagîrîrwe nî gwîka atîa nîguo mvonoke?”

Ciîko 2:37

Rîrîa andû acio meegwire ûguo, nîmaathînîkire mûno na makîûria Petero na atûmwa acio engî atîrî, “Ariû na aarî a Îthe wetû, tue rîu nîtwîka atîa?”

Aroma 12:13

Tethagiani andû a Ngai arîa mavatarîte ûtethio, na mwamûkagîre ageni mîciîrî yenyu.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

1Joh 3:16

Ûndû ûrîa ûtûmenyithagia ûrîa wendo wîkariî, nî ûyû: atî Kristû nîwarutire mwoyo wake nîûndû wetû. Tue natue nîtwagîrîrwe nî kûruta mîoyo yetû nîûndû wa ariû na aarî a îthe wetû.