Luka 11:51 - ÎVUKU RÎA ÛVORO MWARO

⁵¹ Nîmakaaverithua nîûndû wa arathi onthe arîa maanaûraga kuuma vîndî ya Habili nginya ya Zakaria ûrîa waûragirwe arî gatagatî ka metha ya kîgongoona kîtheru na hekarû. Îni nie nîramwîra na ma atî, andû a rûciaro rûrû nîmakaaverithua nîûndû wa kûûraga andû acio onthe.

Luka 11:51 ပူးပေါင်းရင်းမြစ်များ

Kîam 4:2

Awa nîwacokire agîciara Abili mûrwang'ina wa Kaini. Abili aarî mûrîthi nake Kaini aarî mûrîmi.

Jeremia 7:28

Nawe ûkamera atî, ‘Rûrû nî rûrîrî rûrîa rwaregire kwathîkîra mûgambo wa Ngai-Mûnene Ngai wao, na rûkîrega kûrûngwa nîke. Ûûma nîwathirire kûrî o, wana matiaragia ûvoro waguo.’

Zakaria 1:1

Mwerirî wa kanana mwaka wa kaîrî kuuma Dario atuîka mûthamaki, Ngai-Mûnene nîwarîrie mûrathi Zakaria mûvîcî wa Berekia, Berekia mûvîcî wa Ido na akîmwîra atîrî,

Mathaayo 23:35

Kwoguo, nîngaamûverithia nîûndû wa kûûraga andû onthe arîa athingu, kuuma kûûragwa kwa Habili nginyagia kûûragwa gwa Zakaria mûrû wa Barakia, ûrîa mwaûragîre gatagatîrî ka hekarû na metha ya kîgongoona.

Ahib 11:4

Wîtîkio nîguo watûmire Abili ategera Ngai îgongoona rîaro gûkîra rîrîa Kaini aategire. Nîûndû wa gwîtîkia Ngai Abili nîwatuirwe mûthingu, nîûndû Ngai nîwetîkîrire maruta make. Na njîra ya wîtîkio Abili nwa waragia wana ethîrwa nî wakuire.

Ahib 12:24

Nîmûkîte kûrî Jesû ûrîa mwîgwithania wa kîrîkanîro kîrîa gîcerû, na kûrî nthakame yake îrîa yetûrûrirwe. Nthakame îo nî îranagîra maûndû maro gûkîra ya Abili.

1Joh 3:12

Tûtiagîrîrwe nî kwîthîrwa twîkariî ta Kaini ûrîa warî wa Ûrîa Mûcûku, na waûragire mûrwang'ina, Abili. Kaini aaûragire mûrwang'ina nîkî? Aamûragire nîûndû ciîko irîa ke eekaga ciarî njûku, nwatî cia mûrwang'ina Abili ciarî mbaro.