Luka 11:49 - ÎVUKU RÎA ÛVORO MWARO

⁴⁹ Nîûndû wa ûguo, ke ûrîa wîtagwa Ûûgî wa Ngai nîwaugire atîrî, ‘Nie nîngaamatûmîra arathi wana atûmwa. Nîmakaaûraga amwe ao na manyarire arîa engî.’

Luka 11:49 ပူးပေါင်းရင်းမြစ်များ

Jeremia 7:25

Kuuma mûthenya ûrîa methe menyu maumire Misiri nginya ûmûnthî, ndwîre ndûmaga arathi, ndungata ciakwa kûrî o.

Mathaayo 22:6

Andû acio engî nao maanyitire ndungata icio, magîciîka maûndû ma ûûra nthoni na magîciûraga.

Luka 11:48

Kwoguo mue nîmwîtîkagîra atî methe menyu nîmeekire waro nîûndû o nîo maaûragithirie arathi, namue mûkîmathondekera mbîrîra.

Luka 24:47

Na atî rîîtwarî rîake andû a ndûrîrî cionthe cia nthî, kwambîrîria îtûûrarî rîa Jerusalemu nwa nginya mavunjîrue ndûmîrîri ya Ngai, îgiî kwîrira nîguo moverwe mevia mao.

Johana 16:2

Mue nîmûkaarutûrûrwa mavoerorî. Nako kavinda nîgagaakinya karîa mûndû wa wonthe ûrîa ûkûmûraga ageeciria atî agîka ûguo nî Ngai aratungatîra.

Ciîko 1:8

Nwatî rîrîa Roho Mûtheru agaaûka kûrî mue, nî mûkaagîa na vinya na mûtuîke aira akwa Jerusalemu, Judea kuonthe na Samaria wana mîthiia yonthe ya nthî.”

Ciîko 11:27

Vîndî wa îo arathi amwe nîmaanyûrûrûkire kûu Antiokia maumîte Jerusalemu.

Ciîko 22:20

O nwa maicî waro atî nie naarî vo vîndî îrîa Stefano, ûrîa warî mûira waku, aaûragirwe. Nie nînetîkanirie na ûndû ûcio. Nao arîa maamûûragire nînaamanyitîre magooti mao.’

Ciîko 7:57

Nao athuuri onthe a Kîamma nîmaaugîrîrie na vinya, magîkunîka matû mao na magîtitimûkîra Stefano wa rîmwe.

Ciîko 8:3

Nwatî Saûlo nîwageririe kûthiria kanitha. Nake nîwathiîcaga agîtonyaga nyomba wa nyomba akîrutûrûraga etîkia, arûme na aka na agatûmaga mavingîrwe njeera.

1Akor 1:24

Nwatî kûrî arîa Ngai etîte, Ayahudi na andû a Ndûrîrî, ndûmîrîri ya Kristû nî vinya na ûûgî wa Ngai.

1Akor 1:30

Nwatî Ngai nîke kiumo Kîam ûûrûmwe wenyu na Jesû Kristû. Na njîra ya Kristû Ngai nîatûvecaga ûûgî na agatûtua athingu. Natue nîtûtuîkaga andû a Ngai na tûgakûrwa kuuma meviarî metû.

Aefeso 4:11

Ke nîke wavecanire iveo kûrî andû. Aathuurire amwe matuîke atûmwa, engî matuîke arathi, engî matuîke avunjia a Ûvoro Mwaro na engî matuîke arîthi na arimû.

Akol 2:3

Naguo Mûthithû wa ûûgî na ûmenyo nîûthithîtwe varî Kristû.

Kûguû 16:6

Nîûndû andû acûku nîmetûrûrire nthakame ya andû a Ngai na ya arathi. Kwoguo nîwamava nthakame manyue, nîûndû ûguo nîguo magîrîrwe!”

Kûguû 18:20

Mue arîa onthe mûtûûraga îgûrû, kenani! Andû a Ngai, atûmwa na arathi Kenani! Nîûndû Ngai nîarîtuîrîrîte nîûndû wa maûndû marîa rîekire kûrî mue.