Luka 11:19 - ÎVUKU RÎA ÛVORO MWARO

¹⁹ Angîthîrwa Belizebuli nîke ûmvotithagia kûrutûrûra ngoma-î, nao arûmîrîri enyu marutûrûraga ngoma mavotithîtue nû? Kwoguo wana nginya arûmîrîri enyu nîmaicî atî mue mûrî avîtiu!

Luka 11:19 ပူးပေါင်းရင်းမြစ်များ

Ayubu 15:6

Ciugo ciaku nîcio igûcirithagia tî nie, kanyua gaku we mwene nîko gakumbûraga.

Mathaayo 10:25

Kwoguo mûrutwa agîrîrwe nî kwîganîra nîguo atuîke ta mûmûruti, na ngombo nayo îtuîke ta mûmîathi. Ethîrwa andû metaga mwene mûciî Belizebuli, andû a mûciî wake magetagwa marîîtwa macûku makîria!

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Luka 19:22

Nake mûnene ûcio nîwamîrire atîrî, ‘We ndungata îno mbaganu! Mîario îo waria na kanyua kau gaku, nwayo ngûgûtuîra nayo! Kwoguo nîwecî atî nie nîrî mûndû wa ngoro nyûmû, mûndû wocaga kîrîa atathithinîrîte na agaketha kîrîa atavandîte!

Luka 9:49

Johana nîwerire Jesû atîrî, “Mwarimû, nîtûronire mûndû akîrutûrûra ngoma na rîîtwa rîaku, na twamûkaania nîûndû ke tî wa thiritû yetû.”

Ciîko 19:13

Nao Ayahudi amwe nîmaaûrûraga na makarutûrûraga maroho macûku kuuma kûrî andû. Ayahudi acio wa nao nîmaageririe gûtûmîra rîîtwa rîa Mwathani Jesû kûrutûrûra maroho macûku kuuma kûrî andû. Nao nîmeraga maroho macûku atîrî, “Na rîîtwa rîa Jesû ûrîa Paûlo avunjagia, nie nîrakwatha ume ndaarî ya mûndû ûyû!”

Aroma 3:19

Na rîu nîtwîcî atî maûndû monthe marîa marî Wathorî nîma andû arîa marî rungu rwa Watho nîguo gûtikaagîe ciîgwatio, nao andû onthe a nthî matuîke a gûcirithua nî Ngai.