Luka 10:42 - ÎVUKU RÎA ÛVORO MWARO

⁴² nwatî ûndû ûmwe tu nîguo ûravatarîka. Mariamu nîwethuurîra ûndû ûrîa wagîrîrîte na ke tî acunwa guo.”

Luka 10:42 ပူးပေါင်းရင်းမြစ်များ

Thaburi 119:111

Matuîro maku ma ciira nîmo îgai rîakwa rîa tene na tene; mau nîmo matûmaga ngoro yakwa îkene.

Thaburi 119:173

Vîndî cionthe îthagîrwa wîvarîrîtie kûndethia, nîûndû nînthuurîte kûrûmîrîra mawatho maku.

Thaburi 119:30

Nînthuurîte njîra ya wîvokeku; nînûmîrîrîte matuîro maku ma ciira.

Thaburi 142:5

We Ngai-Mûnene nîwe ngayagîra, mbugaga atîrî, “We nîwe mûgitîri wakwa, nîwe îgai rîakwa vûrûrirî wa arîa marî mwoyo.

Thaburi 17:15

Nwatî nie nîngaakwona, nîûndû nîrî mûthingu; na rîrîa ngaaramûka, nîngecûrwa nî gîkeno ngîkwona ûrîa wîkariî.

Thaburi 27:4

Mvoete Ngai-Mûnene ûndû ûmwe, na nîguo nîracaria: gûtûûra nyombarî yake ûtûûro wakwa wonthe, ngîonaga wega wa Ngai-Mûnene, na ngîcaragia wendi wake hekarûrî yake.

Thaburi 73:25

Nîûrîkû wîngî nîrî nake îgûrû tiga we? Gûkû nthî gûtirî kîndû mendete tiga we.

Mûvunjia 12:13

Vuva wa maûndû mama monthe, kûrî na ûndû ûmwe ûtigarîte: tîaga Ngai na mûvingagie Maathani make, nîûndû ûguo nîguo andû onthe magîrîrwe nî gwîka.

Maariko 8:36

Kûrî na wega ûrîkû wa mûndû agîe na ûtonga wa nthî yonthe nwatî acoke aûrwe nî mwoyo wake?

Luka 10:39

Nake Maritha aarî na mwarî wa ng'ina wetagwa Mariamu. Mariamu nîwekarire nthî vakuvî na Jesû na akîambîrîria kûmûthikîrîria akîaria.

Luka 11:1

Vîndî îmwe Jesû aarî vandû akîvoya. Na rîrîa aarîkirie kûvoya, mûrutwa ûmwe wake nîwamwîrire atîrî, “Mwathani, tûthomithie kûvoya ta ûrîa Johana aathomithirie arutwa ake.”

Luka 12:20

Nwatî Ngai nîwamwîrire atîrî, ‘We kîrimû gîkî! Ûtukû wa ûmûnthî nî ûkûnenganîra mwoyo ûcio waku. Kwoguo, nî ûrîkû ûkûnyita îgai rîu rîa indo ciaku?’ ”

Luka 12:33

Endiani indo cionthe cienyu na mûcoke mûve athîni mbeca icio. Îîthondekereni tûveeti twa mbeca tûrîa tûtangîthira. Îigîreni mûthithû wenyu îgûrû kwa Ngai, kûrîa ûtangînyiva nîûndû gûtirî mwîi ûngîûkinyîra wana kana mûthûa ûngîûcûkia.

Luka 16:2

Kwoguo nîkîamwîtire na gîkîmûûria atîrî, ‘Ûvoro ûcio nîregua ûkwîgiî, nî ûrîkû? Mandîkîra mûtaratara mwaro wa kûmonia wîra ûrîa ûrutîte ta mûmenyereri wa indo ciakwa, nîûndû we ndûgûcoka kûmenyerera indo ciakwa rîngî.’

Luka 16:25

“Nwatî Iburahimu nîwamwîrire atîrî, ‘Mwana wakwa, taririkana atî kavinda karîa warî mwoyo nîwavetwe maûndû monthe maro, nake Lazaro akavewa maûndû monthe macûku. Nwatî rîu Lazaro arî gîkenorî nawe ûrî mathînarî.

Luka 18:22

Rîrîa Jesû eegwire ûguo nîwerire mûndû ûcio atîrî, “Varî na ûndû ûmwe tu ûtigarîtie. Thiî ûkendie indo cionthe ciaku na ûve athîni mbeca icio, nawe nîûkwîigîra mûthithû îgûrû kwa Ngai, na ûcoke ûnûmîrîre.”

Luka 8:18

“Kwoguo menyererani maûndû marîa mûregua, nîûndû mûndû ûrîa ûrî na indo nyîngî nîke ûkoongererwa. Nwatî mûndû ûrîa ûtarî, nîagaacunwa wa na kîrîa kînini arecirîria atî arî nakîo.”

Johana 11:1

Vîndî îmwe mûndû wetagwa Lazaro wa kuuma îtûûrarî rîa Bethania aarî mûrwaru. Bethania nîkuo Mariamu na mwarwang'ina Maritha maatûûraga, na maarî aa mwarwang'ina na Lazaro.

Johana 11:19

na andû eengî kuuma Judea maarî athiîu kûmîrîria Maritha na Mariamu nîûndû wa gûkuîrwa nî mûrwang'ina.

Johana 12:3

Mariamu nîwocire mûcuva warî na maguta maanungaga waro na ma goro, akîmetîrîria magûrûrî ma Jesû. Mariamu nîwagiririe maguta magûrûrî ma Jesû na njuîrî ciake. Naguo mûnungo mwaro wa maguta mau nîwecûrire nyomba yonthe.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 4:14

Nwatî mûndû wa wonthe ûnyunyaga manjî marîa mvecanaga, ndakaanyonda rîngî. Manjî marîa ngûva mûndû ûcio nîmatuîka ta kîthima ndaarî yake kîrîa kîtherûkaga manjî marîa ma mwoyo wa tene na tene.”

Johana 5:24

“Nie nîramwîra na ma atî: mûndû wa wonthe wîgucaga ndûmîrîri yakwa na agetîkia Ngai ûrîa wandûmire, arî na mwoyo wa tene na tene. Mûndû ûcio ndagaacirithua nî Ngai, nîûndû ke nîmumu kûrî arîa akuû na agatonya kûrî arîa marî mwoyo.

Johana 6:27

Mûtikenogagie mûgîcaria irio irîa icûkaga, nwatî îînogagieni mûgîcaria irio irîa itacûkaga na ivecanaga mwoyo wa tene na tene. Ino nîcio irîa mûkaavewa nî Mûrû wa Mûndû nîûndû Ngai Îthe nîwonanîtie atî nîmûmwîtîkîru.”

1Akor 13:3

Nwa mvecane indo cionthe irîa nîrî nacio, wana nginya nwa ndute mwîrî wakwa nîguo ûvîvue, nwatî ethîrwa ndirî na wendani, ndingîgunîka wana vanini.

Agal 5:6

Nîûndû rîrîa tûrî ûrûmwe na Jesû Kristû, ûndû ûrîa ûrî vata tî kûrua kana kûrega kûrua, nwatî nî wîtîkio ûrîa ûrutaga wîra na njîra ya wendani.

Gûco 30:19

Nîngwîta îgûrû na nthî ituîke aira ûmûnthî mûkîthuura ûndû ûmwe gatagatî ka maûndû mama namwîra; kîrathimo kana kîrumi, gîkuû kana mwoyo. Thuurani mwoyo nîguo mue na njiarwa cienyu mûtûûre.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”

Josh 24:22

Nake Joshua nîwamerire atîrî, “Mue nîmwatuîka aira enyu mue ene atî nîmwathuura gûtungatagîra Ngai-Mûnene.” Nao nîmaacokirie atîrî, “Ii tûrî aira.”