Luka 10:29 - ÎVUKU RÎA ÛVORO MWARO

²⁹ Nwatî mwarimû ûcio wa watho nîwendaga kwîyarîrîria, kwoguo nîwaûririe Jesû atîrî, “Mûndû ûrîa tûtûûranîrîte nake nî ûrîkû?”

Luka 10:29 ပူးပေါင်းရင်းမြစ်များ

Ayubu 32:2

Nake Elihu, mûvîcî wa Barakeli wa rûciaro rwa Buzi na wa mûvîrîga wa Ramu nîwarakarire. Arakarire nîûndû Ayubu eetucaga nîke ûrî na kîvooto, na tî Ngai.

Alawi 19:34

Îkagani ageni arîa mûtûûranagia nao wata ûrîa mwîkaga Aisiraeli arîa engî na mûmendage wata ûrîa mwîyendete. Ririkanani vîndî îmwe mwarî ageni vûrûrirî wa Misiri. Nie nînie Ngai-Mûnene, Ngai wenyu.

Maariko 8:34

Nake Jesû nîwacokire agîîta kîrîndî na arutwa ake varîa aarî, na akîmeera atîrî, “Mûndû wa wonthe ûngîenda kûnûmîrîra, nwa nginya erege, akuue mûtharava wake na acoke anûmîrîre.

Luka 10:36

Jesû akîrîkîrîria nîwaûririe mwarimû ûcio wa watho atîrî, “Kûringana na meciria maku, nî mûndû ûrîkû gatagatîrî ka andû acio athatû wekire ta mûndû watûûranîrîte na mûndû ûcio warivîtwe nî acunani?”

Luka 16:15

Nake Jesû nîwamerire atîrî, “Mue mwendaga gwîtua ûrîa mûrî aro methorî ma andû, nwatî Ngai nîwîcî ngoro cienyu. Nîûndû maûndû marîa monekanaga marî na vata methorî ma andû matirî vata methorî ma Ngai.

Aroma 10:3

Nîûndû wa kûrega kûmenya ûthingu ûrîa uumaga kûrî Ngai, o nîmageretie kwîrûthîra ûndû wao o ene. Kwoguo nîmaaregire kûrûmîrîra njîra îrîa Ngai atûcaga mûndû mûthingu.

Aroma 4:2

Ethîrwa Iburahimu aatuirwe mûthingu nîûndû wa maûndû marîa eekaga, ke nwa agîe na ûndû wa gûtûma etîe. Nwatî ndangîîtîîa arî mbere ya Ngai.

Agal 3:11

Na rîu nîgwîcîkene atî gûtirî mûndû ûngîtuwa mûthingu mbere ya Ngai nîûndû wa gwîka ûrîa watho ugîte. Nîûndû Mandîko Matheru maugîte atîrî, “Mûndû ûrîa ûgaatuwa mûthingu mbere ya Ngai na njîra ya gwîtîkia nîke ûgaatûûra mwoyo.”

Jakuvu 2:24

Kwoguo mue rîu nîmûrona atî andû matucagwa athingu na njîra ya ciîko ciao, nwatî tî na njîra ya wîtîkio wao mûtheri.