Luka 10:27 - ÎVUKU RÎA ÛVORO MWARO

²⁷ Nake mûndû ûcio nîwacokirie atîrî, “‘Enda Mwathani Ngai waku na ngoro yonthe na mwoyo waku wonthe na vinya waku wonthe na meciria maku monthe na wende mûndû ûrîa mûtûûranîrîte nake wata ûrîa we wîyendete.’ ”

Luka 10:27 ပူးပေါင်းရင်းမြစ်များ

Alawi 19:18

Mûtikerîvîrîrie kûrî mûndû ûrîa wîngî kana mûmûmena, nwatî endagani andû arîa engî wata ûrîa mwîyendete. Nie nînie Ngai-Mûnene.

Mathaayo 19:19

tîîa aguo na nyûkwe na wende mûndû ûrîa mûtûûranîrîte nake wata ûrîa we wîyendete.”

Luka 10:26

Nake Jesû akîmûcokeria nîwamûûririe atîrî, “Mandîko matheru maugaga atîa? We ûmataûraga atîa?”

Aroma 13:9

Maathani maugîte atîrî, “Ndûkatharanie, ndûkaûragane, ndûkaîe na ndûkerirîrie kîndû kîene.” Maathani mama monthe na marîa mengî monthe mavingagua na rîathani rîmwe tu, atî: “Enda mûndû ûrîa mûriganîtie nake wata ûrîa wîendete we mwene.”

Agal 5:13

Ariû na aarî a îthe wetû, mwetirwe nîguo mwîyathe. Nwatî mûtikanareke wîyathi ûcio wenyu ûtûme mûtongorue nî merirîria ma mwîrî. Vandû va ûguo tigani wendani ûtûme mûtungatanagîre mue ene.

Gûco 10:12

“Rîu mue andû a Isiraeli, na kinthî maûndû marîa Ngai-Mûnene Ngai wenyu endaga kuumana namue tî kûmwîtigîra, kûrûmîrîra njîra ciake cionthe, kûmwenda, kûmûtungatagîra na ngoro yonthe na mwoyo wonthe,

Gûco 30:6

Ngai-Mûnene, Ngai wenyu nîakaamûva, mue na njiarwa cienyu ngoro îrî na wathîki nîguo mûmwende na ngoro yonthe, na mûthiî na mbere gûtûûra îvinda îraca vûrûrirî ûcio.

Gûco 6:4

“Tathikîrîriani mue andû a Isiraeli! Ngai-Mûnene, Ngai wetû nî Ngai-Mûnene ûmwe tu.

Gûco 6:5

Endani Ngai-Mûnene, Ngai wenyu na ngoro yonthe na mwoyo wonthe, na vinya wenyu wonthe.

Ahib 8:10

Mwathani arauga atîrî, “Gîkî nîkîo kîrîkanîro kîrîa ngaathondeka na andû a Isiraeli mîthenya îrîa îgaaûka, vîndî îo nîngekîra mawatho makwa meciriarî mao, na nîmandîke ngororî ciao. Nîngaatuîka Ngai wao, nao nîmagaatuîka andû akwa.

Jakuvu 2:8

Watho wa Ûthamaki ûrîa wonekaga mandîkorî matheru nî ûyû: “Enda mûndû ûrîa mûriganîtie nake wata ûrîa wîyendete we mwene.” Ethîrwa ûkaathîkagîra watho ûyû, we ûgekaga ûrîa kwagîrîrîte.

1Joh 3:18

Ciana ciakwa wendani wetû ndûgatuîke wa kanyua tu, nwatî nîwîthagîrwe ûrî wa ciîko na ûrî wa ma.