Luka 10:17 - ÎVUKU RÎA ÛVORO MWARO

¹⁷ Nao arutwa arîa mîrongo mûgwanja na aîrî nîmaacokire makenete na makîra Jesû atîrî, “Mwathani, wana nginya ngoma nîiratwathîkagîra rîrîa twaciatha na rîîtwa rîaku!”

Luka 10:17 ပူးပေါင်းရင်းမြစ်များ

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Maariko 16:17

Nao etîkia nîmakaavewa ûvoti wa kûringa ciama, wa kûrutûrûra ngoma kuuma kûrî andû na rîîtwa rîakwa na wa kwaria na nthiomi ng'eni.

Luka 10:1

Vuva wa ûguo, Mwathani nîwathuurire andû engî mîrongo mûgwanja na aîrî, na akîmatûma aîrî aîrî mathiî mbere yake matûûrarî monthe na kûndû kuonthe kûrîa ke aageerie kûthiî.

Luka 10:20

Mûtigakene nîûndû wa atî ngoma nîiramwathîkîra, nwatî mûkene nîûndû marîîtwa menyu nîmandîke îgûrû.”

Luka 10:9

Vonagiani arwaru arîa makethagîrwa marî kuo, na mwîrage andû akuo atî, ‘Ûthamaki wa Ngai ûrî vakuvî mûno namue.’

Luka 9:1

Jesû nîwetire arutwa ake vamwe na akîmava vinya na ûvoti wa kûrutûrûra ngoma cionthe wana wa kûvonia andû mîrimû.

Aroma 16:20

Nake Ngai, ûrîa ûvecanaga thayû, îvinda rîtarî îraca nîakaavoota Caitani na amûve wathani îgûrû rîake. Wega wa Mwathani wetû Jesû Kristû ûrogîa namue.

Aefeso 5:24

Kwoguo mûndûmûka nîathîkagîre mûthuuri wake maûndûrî monthe wata ûrîa kanitha wathîkagîra Kristû.